Makaabantu Casan Gurak ux manoh aydaadu

        Addis Ababa Caxah Alsak 20 Sanat 2017 (ENA)

          Makaabantu Casan Gura Qali Miyyak Suge ?

Makaabantu Casan Gura Qali Kay Abba Gura Qali Kee Kay Ina Camro Qumaarak Sanat 1912  Dumaahi Qammih Baxay , Away Canruki Daqaarih Gubat Raqta Casoobah Awdal yooboke.

Makaabantu Casan Gura Qali Qunxa Mariinok Xabba haanam Cal Maqaane kee Meqe Kasloyta Sugem Kay Aydaadi Nummaysa.

 

Kay Abba Kedoh Abbah Sugeemih Taagah Kay Abbah Lakal Ciggilak Qumrik 19 Anuk aKah Makaabantu Akkuk Kedoh Abba Saro Kaal Heenim Kay Aydaadi Yascasse

.

Makaabantu Casan Gura , Umatta Mano Sinnik Akah Milaaganinnah Firqawa Akuk Cuggaane Dariifak Tabak Woo Uddur Baaxo Ackumak Sugte Saqoltik Fayu kee Qokol essarak , Tonnah Kaadu Jibuuti Doolat Buqre Mansoofah Qokol Akah Abaninnah Qammih Baxi Daqaaral Qemboh Addah Qasri Buqreh Taama Qembisiise Abni Numukuy Suge.

Tahak ugutak Too Uddur Itiyopiyya Miraacisak Suge Atse Hayle Silaase Gabah Faatit Kee

Mamaxaga Geeh Suge Daddos Kee Salaam Agiru Kinnim Kay Aydaadiy Nummaysa.

Makaabantu Casan Gura Qali Booditteey , Boq kee Balluq Yafgideenimih Caddol Qafar Ummatta Sinni Kee Sinniy , Cugaane Lih Sarrimaane le Salaam Diggoysoonuh Kaxxa Macal digrak suge Baaxoh Idaytuy ,Tonnah Kaadu Makaabantuk suge.

Makaabantu Casan Gura Qali,addonya bagul 5 takke Xaylooy Arcih 4 Labha kee Inki Say Baxáy Tonnah Kaadu 23 takke xaylo xaylo Manol Kaak Raqte.

Elle Nanih Nan Manol Waar Mayanamih taagah Makaabantuy , Baaxoh Idaltu kee Kasloyti Casan Gura Qali Caxah alsak 16 Sanat 2017 Qumrik 105 Sanatah Isi Cakki Gee.

 

Makaabantu Casan Gura Qali Doolat Masuliyatih Caddol Sanat 1930 I.L.L Xabba hanamay Ilaa Isi Cakki Geyya haam Fan Qammih Baxi Daqaarih Xinttok Fayu Abeenah Sugem Kay Aydaadiy Yascasse.

Makaabantu Casan Gura Qali Yalli Jannati Qarus Kaa Abayiy , Ka Buxah Mara Kee Ahalih

Imaan kee Sabri Qaagina.