"Community radio" ummattâ salaamaay daddoosuuy ximokraasii kee meqe xiinissoh exxaaxil yayse gabah assagollaa kee manfaqat akah geyta innah issi doori le- Gifta Macammad Qali Biqdo - ENA Qafar Afa
"Community radio" ummattâ salaamaay daddoosuuy ximokraasii kee meqe xiinissoh exxaaxil yayse gabah assagollaa kee manfaqat akah geyta innah issi doori le- Gifta Macammad Qali Biqdo
Addis Ababa Agda Baxissok 13 Sanat 2017 (ENA)
Qafar Rakaakayih Doolatak Angaaraw Biirok Naharsi Saqal Gifta Macammad Qali Biqdo Samaral geytimtah tan Samara community raadiyo fanteenat gufne abe
Gifta Macammqd Qali Biqdo abeh yan gufnel "Semara community radio" xissimtem kee aham fan abak temeeteh tan taamoomi maca celtam kee away abak geytimaanah yanin broadcasting taamoomi wagittaamal keenik miraaciinuu kee taama abeynitî luk baar le walal gexse.
"Community radio" ummattâ salaamaay daddoosuuy ximokraasii kee meqe xiinissoh exxaaxil yayse gabah assagollaa kee manfaqat akah geyta innah issi doori lem Gifta Macammad Qali Bidqo ta walal aracal qaddoyse.
Tahat axaw hak Gifta Macammad Qali Biqdo iyyeemih Amo gexak ni rakaakayal milaaguuk lakal baxaabaxsale ayyuntiinô maddurtiinoo kee siyaasah exxaaxil geytimeh tan maysoo kee weelo maqaane naysexeexeguh kaxxam faxximtah tanin yescesse.
Milaagi doolat sugteh tan miidiyaay/media(mainstream kee print media) ayyuntiino ratteemaamiiy(social media) community radio kee ilaa baritto buxaaxil geytimtah tah tan mini media fan yanih yan dooritit yantifiqeenim kee inkih yan caylat taama fanah ken culusak akah xissiimen sinni dirkik akah yawqen innah abaanam kinnih tanim qagitak qaddoyse.
"Community radio" ummattâh addal geytimta issi audience leeh, mango mara guftah tan raadiyo kinniih.
"Samara community tadio" rakaakay qaasima samara fanteena abtaah rakaakay eventiiy wakti caalootaay baaxoo kee baadal tekkeh tan tekkooka wagsiisak oyti duddale gurral tatrussam faxximtah tanim Gifta Macammad Qali Biqdo kassiise.
Leedâ missoyna daffesseh tan afkanal doolat abnissol geytimteh tan xalittee kee ciggiltah tan afkanitte wagittaamal baxaabaxsale barnaamijitte bicsaanma faxximta tahat axaw hak qaddoyse
Qafar Rakaakayih Doolatak Angaaraw Biirok Naharsi Saqal Gifta Macammad Qali Biqdo ellecabol Ekraarok ugutleeh kattat kee qokolul milaagi faydoodiiy gadbô xalootuuy murtii kee murtissooy, salaam kee sayaay turiizimiiy investment kee kalah tan exxal rakaakay leh yan potential yaysexeexegeenim elle xiqan gurral taamah akah takke innaay rakaakayal tanih tan miidiya(media) xeyi ikkek akah taamitan innah afkan daffeyse.
#Ityoppiyah_Xaagi_Raceyna
#Ityoppiya
#ENA