58,000 daga takke baaxo Xayloh Baaxoh Angoyyih Qawwalayla Edde Boode Ayyunti Exxaaxi Elle Suge Fanteynaani Culusen

Addis Ababa Agda Baxisok  2 Sanat 2017 (ENA) 

Itiyoppiyak Qawwalaylâ Ossodih Makkeebiyyoh Miracsenti  Malah Buxa 58 Alfiik Daga Takke Baaxo Xaylo Baaxoh Angoyyak Gexxaamah Qawwalaya Edde Boodeh Tan Ayyunti Exxaaxi Elle Suga Fantryna Fan Culuseenim Qaddoysen ። 

Mala Buxa Qafar Rakaakayak 2 Daqaar kee Oromiyah Rakaakayak 1  Daqaaral tekkeh tan Baaxoh Angoyya Wagsiisaak  Sissik Daffeyna Abak Afkan Daffesse ። 

 

Itiyoppiyal Yakkeh Yan Baaxoh Angoyyi Mangom Rifti Gooli Bicisiyyat Angaaraw Lem Tama Koboxul Mihratleela Xayyosse Saynsi Makeelo Elle Tascassennal Itiyoppiyal Yakkeh Yan Baaxoh Angoyyi  Angaaraw Lem Yiysixxigen ። 

Aham Fanah Yekkeh Yan Baaxoh Angoyyih Sababah Boyna Qawwalayla Hinnaay, Ardi Gubih Qer Kee Laqin Lee Kinnim Qaddoysen ። 

Malah Buxak Caxah Abba Ciggiila Naharsi Malaak Temesgen Tiruneh  Elle Yescessennal  Baaxoh Angoyyaay, Volkaanik Qawwalayla, Kee Baaxoh Angoyyaay, Qunxa Garabluk 2017 Xabba Haanam Rift Goloh Dariifal Tekkeh Tan Dariifal Baxsa Luk Oromiya Fentale, Awash Fentale, Kee Dulesa Kinnim Qaddoysak Tama  daqooriitih  baxsa le hangi kee Gaba gacsa faxxam Kinnim Qaddoyse ። 

 

Taham Fanah Qawwaddi Edde Kak Yewuqe Sahdayti Baxi Kee Saqa Ane Waam Takkay Ikkah, Ayyuntiinô Ayfaafih Fanteenaniiy, Gititte Kee Kesem Tendaho Sukkar Fabrika Baxaabaxsale Gibdaabinitte Maadeh Geytimtam Qaddoyse ።

Ciggiila Naharsi Malaak, Federal Kee Rakaakay Missoynaani  Qawwalayla Kalalih Taamoomi Sittalluk Abak Geytimtam Kee Sitta Lih Taamitaanam  Faxximtam Kassiise ። 

Qafar Rakaakayak  Awash Fentale Kee Dulesa Daqoorit Kee Oromiyak Ayro Mawqah Shewa  Rasuk Fentale Daqaaral Baaxoh Angoyyi Qawwalayla Kee Bihoy Gineh Yanim Itiyoppiyak Qawwalayla Ossoodih Mekkaabiyyoh Komishinih  Komishinik Ambasadder Shiferaw Teklemariam (Dr.)  Qaddoyse ። 

74,000 Dagga Takke Ayyuntak Qawwalayla Bohoyteh tan Dariifa, 58,000 Dagga Takke Ayyunta Ell Suga Fanteynaani Culseenim Qaddoysen ። 

Baaxoh Angoyyih Qawwalayla Wagsiisak Mihratleela Xayyosseh Tan Makeelissol Baar Le Walal Gexseenim Kee Afkan Akah Bicisan Innah Abak Geytimaanam Doolat Angaarawih Ayfaafayih Malaakah Yan D/r Legese Tulu Elle Qaddoyse ። 

Tahak Ugut Abak, Fayale Qawwalaylah Aroocal Koobaahisen Qawwalaylah Raddi Maqarosanam Bisoheele Axcuk Sitingey Maadeenih Geytiman ። 

Angaaraw Taama Kaadu Ayyunta Yaysixxigeenim Kee Barsaanam Kee Faximtah Tan Oytitte Inki Fanteenak Akah Geyan Innah Abaanam Faxximtam Kassiise። 

Ummatta  Doolat Angaarawih Ayfaf Kee Mihratleela Taceh Tan Oytitte Meqennal Kattat Akah Aban Innah Seeco Xayyoosen ።