Ummattah Awlaytiitih  Mala Buxa 13heele Madabiino Kobox   Gexisse

Qaafiyat Ayfaafayih Xiiniso Kee Lowsisi Kukta Faaticisen

               Addis Ababa Ciggilta Kudok 23, 2017 (ENA)

 Ummattah Awlaytiitih Malah Buxa Qaafiyat Ayfaafay Ummattah Guddusso Akah Tallennah Abaamih Xiqto Le Qaafiyat Ayfaafayih Xiinisso Kee Lowsis Kukti Inki Xongoloh Sadu, 9 Xongolo Tibba Kee Fuli Xongolol Faaticisen.

   .Qaafiyataay, Ayyuntiino Daddosuuy, Qaada Kee Sport Caagiidak Maytani Makaadok Ciggiila Gaaboyse Dr. Taddele Burka:- Qaafiyat Ayfaafayih Xiinisso Kee Lowsis Kukta Wagsiisak Mala Buxah Gabbaaqu Xayyoose.

Tama Kukti Qaafiyat Xisoosaay, Maaqidda Kee Maqab Ayfaafay Tace Fanteenitiiy Tonnah Kalah Qaafiyatat Axawah Tan Fanteenit, Faxximtah Tan Madqa Gital Guddaafa Elle Kalan Inna Daffeyseenih Yanin Edde Xintal Guddaafa Yabbixeenim Kee Kalaanamih Dirki Keenil Tanim Tama Kuktal Daffeyteh Geytimtam Qaddoose.

Faxe Fanteena Takky Canka Maritte Guddaafa Elle Faxximtannal Yabbixeenim Kee Qidaanam Keenik Faxximta Kee Fooca Fan Gubal Isi Madqa Akah Tawqennah Abam Xiiqa Kukti Biceh Yanim Kassiise.

Ta Langil Taamittah Mihratleela Kee Fanteenit Keenil Yan Essertimiyya, Madqal Daffeytam Faxxiimak Sugteemih Taagah, Tama Kuktal Yan Roksataak Iroh, Sinam Dagar Hinnammay Dagarak Exxa Beyeh Yan Mari 5 Sanataak Daggoowe Sinnim Kee 10 Sanataak Ammagge Sinni Casbi Digaalah Diggalsimelem Tama Kuktal Daffeyteh Tanim Qaddoose.