Baaxoh Angoyyi Yakkeh Wak Mannah Yan Cubbi Abaanam Faxximtaah?

Addis Ababa Ciggilta Kudok 22 Sanat 2017 (ENA)

Awash Fanti Qalel Taturteh Tan Ayroorah Addat Rekter Eskeelilil Baxaabaxsa Le Caddol Baaxoh Angoyyi Yekkeh Yanim Tamixxige.

Baaxoy Angoyyi Yaafeh Yan Wak, Mannah Cubbi Abaanam Faxximtaamal Itiyoppiyak Ji'olojikal Inistitiyut Isi Ayyuntiinoh Ratteemal Baxaabaxsa Le Ximmooma Daffeseeh Geytimta.

Baxaabaxsa Le Sabibitteh Bicak Irol Sugteeniki:- Cooxuuy, Kalqatitteery, Kooran Qamuuditte Kee Kalah Yan Raddeh Qawwalayla Katassam Xiqta Caagiidal Yaxxereenom Lee Fidin Booxay Waqinak Tanih Iyyal Gacaanam Faxximta.

Buxah Addal Sugteeniki:- Afa Baxaay, Korneerittey/Toloyla Kee Koriderittet Xabba Heenih, Taturaanamaay, Tonnah Gira Baarak, Takaren Duyye Kee Gidar Bilqah Duyyeey, Kitooba Elle Deffeesan Birta Takku Cooxuk Bicseenih Iyyaay, Taakatak Yaxxereenim Kee Gaaz Midijja Xiiqeenik Sissikuk Bargusaanamaay Akke Waytek Tokkek Xayih Yaxxereenini.

Kaxxa Kalqatittej Addat Sugteeniki:- Kalqatittek Yawqeenim Gibbate Waanamaay, Liftit Inkinnah Antiffiqime Waanam Faxximta. Kalqatitte Edde Yawqeenih Akak Ooban Aroocak Sissikuk Yaxxereenimi.

Makaayin Beyak Sugteeniki:- Kooran Akak Tabta Qamuuditteey, Coox Kee Silkaloh Innah Tan Dariifal Soole Waanama. Tama Duyye Makiinal Raddek Makiinak Tawqeenim Magibbatina. Xiqqa Hayteeniki Fidin Booxay Waqinak Tan Dariifal Makaayin Soolisaanam Kee Tama Bis Le Cubbi Abtaanam Siinik Faxximtam Ta Inistitiyut Farmo Tayscase