Banaadamiyyô Cato Faxxah Tan Ummatta Dagorti Maadisoonuh dudda le Riig kee Dudda le Gulgulussa Tan " Ambasadderih Shiferawu Teklamaryam (Dr.)

Addis Ababa Cigglita Kudok 15 Sanat 2017 (ENA)

Ityoppiyak Qawwalaylah Ossoodih Makkabiyyoh  Komishinih  Komishiner Ambasadder Shiferawu Teklamaryam (Dr.) Elle Qaddosennalaay Itiyyobiyal Banaadamiyyoh Cato Faxah Yan Marah Qokol Gufusoonuh Dudda le Banaadamiyyoh Catoh Riig kee Uguugus Yanih Yanim Qaddoyse ። 

Doolat Banaadamiyyô cato Sinni Duddal Maadisuh Akkuk Geytimtah Tan Taama Hadaf Akkuk Geytimta Dagorti Ta Abtok Sinni Waasanam Faxximta Kassiise ። 

Itiyoppiyak Qawwalaylâ Ossoodih Makkabiyyoh Komishin  Komishiner  Ambasadder Shiferawu Teklamaryam (Dr.) ENA Lih  Abeh Yan Yaabal Elle Qaddossennal  Doolat Gino Kee Sehdayti Baxih Gaba Katassah Tan Qawwalaylooli Katassah Tan Taqabitte Yasseedoonuh Agat Caddol  Poolisi Kee Maknay Bicisak Taamitak Geytimtam Qaddoyse ። 

Ceelalloh, Maaqiddi Caagiida Kee Maaqiddi Amo baxxaaqa Diggoosoonuh, Banaadamiyyoh Qokol Xayyoosaanamak Kalah Biyaakiteh Yan  Marite Amoladi Aygadad  Aboonuh  Maqattooti Beyak Geytimaanam Qaddoyse ። 

Gino kee sehdayti baxi Gaba katassah tan taqabitte kalaloonu kee qokol faxa marah Qokol  Gufoonuh Ayyunti Sitta  Qoklak Akah Taamitan Innah  siirat maqarroosaanamal hangi Haak Taamitak Geytimaanam Qaddoyse ። 

Gersi katuk Dudda Le Riig Daffeysak  Banaadamiyyoh Cato  Sinni Duddal Sarima le gurral Akah Xayyoosan Innah Agat Caddoh Dudda Ginoonuh Taama Fanah Culeenih Geytimaanam Qaddoyse ። 

Waraye Karmak Ilaa 2017/2018 Fanah 253 Alfih Hektaar Baaxo Abqaruk  2 Milyoonih Metirik Ton Awu  20 Milyoonih Kuntal Murtisak Elle Suga Murti Daffeysoonuh Taamitak Geytimaanam Qaddoyse ። 

Aham Fanah 108 Alfih Hektar Baaxo Tubbuqurem kee Tah Kaaduk Ekraarok 43 Gaba Raaqissam Kinnim Qaddoyse ። 

Ikraaro Arac Xagituh Agat Caddol Dudda Le Riig Ginoonuh Faderaal Kee Rakaakay Caddol Faxxiima Hangi Acyuk Taamitak Geytimaanam Qaddoyse ። 

Sissik Banaadamiyyoh Qokol Wagsiisak Kulli Dariifal Abak Sugen Kusaaqak  Ugutak Qimboh Addah Cato Faxah Yan Mara Baxisaanam kee Qokol Gufsoonuh Taamoomi Abak Geytimaanam Qaddoyse ። 

Kilbatti Wolo Rasuk Buguna Daqaaral Alsak Afa Buxa Marih Caddo kee Amoladih Yan Taqabi Wagsiisak Namma Kusaaqa Yekkeh Yanim Ambasadder Shifarawu Qaddoyse ። 

Kusaaq Abeenih Yanin Uddur Dariifal Baxsa Lee Taqabi Sugeweem Ascassuk Awayyih Uddur Inkinki Barrit  Raqatah Tan  Dariifal Tabaqitte Tanih Tanim Qaddoyse ። 

Tama Komishiner Kaadu Tama Dariifal Tanih Tan  Amni Taqabitte Banaadamiyyô Cato Maadisoonuh Gexe Kalit Tekkeh Tanim Qaddoyse ። 

Takkay ikkah caagid siyaasâ maslacat Axawah haak Faxxiime sinni Hadafah Edde  Yantifiqe Mari ken Ajenxa Banaadamiyyo Cato Axawak Ane Waytam Qaddoyse ። 

Doolat Taqabih Calli Akah Yaceen Innah  Abak Geytimaanam Kee Banaadamiyyô Cato Dibuk Faxximta Maritteh Guftuh Diini Abbobti Kee Qunxaaneyta Lih Sittin Gey Abeenih Yaniinim Qaddoyse ። 

Doolat Banaadamiyyô cato Sinni Duddal Maadisuh Abak Geytimah Yan Taamat Tuxxiiq Neh Yaguude Axcul Gexe Kalit Yakkeh Yan Mari Ta Abtok Sinni Waasam Faxximta Qaddoyse ። 

Banaadamiyyoh Cato Elle Faxximta innal Akah Gufsan Innah Kuli Caddol Doolat Rakisso Koobaahisak Taamitak Geytimtam Yescesse ። 

Doolat Cato Xayyoysuh Dudda le Riig Lem kee Dudda le Ugugulussol Geytimam Qaddoysak  Daddos Wakliitilih Cattiimak Taamitak Geytimaanam Qaddoyse ። 

Maaqiddi Amobaxxaaqa Diggoosak Maaqiddi Gaba Mekelik Awaquk Sinam Gaba Qammaale Sinni Ayyunta Ginnuh Abak Geytimna Macal  Maqarroosaanam Faxximtam Kassiise ። 

#Ityoppiya
#Ityoppiyah_Xaagi_Raceyna 

Ni oyta: 

yuutubul
Telegraamak: https://t.me/Ityoppiyah XaaguA
Qarok qari damba: https://www.ena.et/
Tiwiteril: https://twitter.com/itiyoppiyah xaagitte?lang=en
Tiktok Galil: https://www.tiktok.com/@itiyoppiyah xaagu
WhatsAppil:
ENA xaagu SMS: 9111 geytoonuh