"Barittô Maxxat Diggoysoonuh Qemmimteh Tan Assakat Le Taamoomi Diggoowak Gexele "

Addis Ababa Ximolik 20 Sanat 2016 (ENA) 

Axxis Ababah  Magaalah Xiinissoh Saqal Gifti Adanech  Magaalal Baritto Maxxat Diggoosaanamal Qimmiseenih Yanin Assakat le  Taamoomi Bisoh Axcelem Qaddosse ። 

Addis Ababah Magaalah Xiinissok  Barittô Biiro Bicisseh Tan 31 hele Baritto Konferensi "Barittô Maxxat Kee  Fayya Le Macal Baaxo leedah " Itta Maxcol  Gexsitak Geytiman ። 

Tama Koboxul Xaleyna Barteenitih Egla Kee Barittô Luddal Fayya Le Mirocti kee  Xaleyna Awlaytit Edde Tengelem Qaddoysen ። 

 

Qasimah magaalal 2 ayroh gexsitak sugeh yan koboxul gaba kaleh yan Mizaniyat  sanatal barittô luddal tekkeh tan taamoomiiy, geytimte xalu kee sanat 2017 ekraariseenih yaniinim Ekraarol Walal Akkelem Qaddoysen ። 

Addis Ababah Magaalah Xiinissoh Saqal Gifti Adanech Abebe Tama Waktil Abeh Tan Yaabal  baaxoh addal leeda Arcisoonu duudumtam mexxat le seehadayti gadda yayyaaqeenim duudumta waka Kinnim Qaddose ። 

Tahah magaalâ xiinisso barittô mexxat Arcisoonuh  naharsi barittok xabba haanam baxaabaxsa le taamoomi abak geytiman Qaddosse ። 

Early Child hood Programih Gubat 3 Sanatak Guba Yan Alaaqa Leh Tan 360 Alfiik Daga Takke Addah Tan Culenta Leh Tan Xaleyna Maqiddaay, Qaafiyat Kee Saykoloojih Qokol Edde Anuk Baxaabaxsa Le Qokol Akah Geyan  Innah Abak Geytimaanam Tiysixxige ። 

Barittô buxah maaqidda kee mansoofah xayyoosul xalootle taama tekkem Qaddoysse ። 

Tama Barittô Liggidak 2016 gaba kaleh yan 6 hayto kee 8 hayto footimah aqayyaarel Magaalal  geytimte Assakat lee  xali  luddal mexxat Diggoysoonuh tekkeh tan taamoomih ceelallo kinnim qaddoysse ። 

 

Barittô mexxat yasmitoonuh kee horak mooraal xisaanamal barseenit doori fayya haanam faxximtam Tisixxige ። 

Barittô Malaakah yan Profeser Birhanu Nega Addis Ababah Magaala Gersi Rakaakayitte Kee Magaalah Xiinissoh Buxaaxi Kee Barittô Buxah Maaqiddi Caagiidal Ceelallo Tekkeh Tanim Qaddoyse ። 

Barittô buxaaxih rakiibô daddos yaysiiseenim kee bartiyyaa kee barsiyyi taama rufto bahsiisaanamih taamal mangom abaanam faxximtam qaddoyse ። 

Addis Ababak Barittô Biiroh Saqalah Yan Zelema Mulatu (Dr.)  Elle Qaddosennal Sanat 2016 Miizaaniyyat Liggidih Addat, Ayyunti Gabah Assagolla Abak, 6.4 Miliyoonih Birrih Lakqo Gaaboysak, Barittoh Akah Asa  Innah Abeh Yanim Qaddoyse ። 

Barittô buxaaxih maaqiddi tadderal 4 bilyoonih birriik Daga Yakke Maalu Akah   779 alfi 231 Takke Barteenit Akah Takmem Xiqtem Qaddoyseeh, Tamah kaaduk barteenit xaloot yaysiiseenimih Meqe Doori Digirtem Qaddoyse ። 

Ciggiila Barittô Liggidak 2017  Geytimeh Yan Xalu Taysoonuh Taamiteloonum Yiysixxige ።