" Leeda parti Biriksit Cattiimak Baadak Qadliino lee Siirat Xisneh Digga Luk Taamitele "Gifta Adam Faarac

Addis  Ababa waysuk 10 sanat 2016 (ENA)

Leeda parti Biriksit Cattiimak Baadak Qadliino kee  Assagola lee  Siirat Xisneh Digga Luk Taamitele Leeda Partik C/perezixant Gifta Adam Faarac Qaddoyse :: 

Gifta Adam Faarac Miraacisa Erga Kimaalih Ayro Ruusiyal Viladivostokul Qemmimte Biriksi kee Qokol Baaxooxak Baad Siyaasa parti Foromut Angaluk Geytima :: 

Gifta Adam Faarac Tama Foromul Abe Yaabal Leeda Parti Biriksi Edde Xissime Udduruk Xabba Haanam Xayi ikkek Kataatak Sugtem Qaddoysak Biriksi Waado Baad Siyaasa kee Qidaddo Milaagamih Dudda Lee Qaddoyse:: 

Naharsi Malaak  kee Leeda Partik Saqal D/r Abiy Acmad Itiyopiya Biriksi Adoytiitih Tan baaxooxa kee Gexsitilih Digga lee Angaarawu Akah Taale Innah Taamitak Geytimam Qaddoyse :: 

Biriksi Qusba Adoytiit Curiguh Diggale Maaqattah Gadda Gaciseh Yan Gifta Adam Faarac Tekke Madqa Itiyopiya Adoyta Takkuh Saami Gintem Qaddoyse ::

Itiyopiya Miraacissah Tan Leeda Missoyna Afarikal Meqe Qaago Kee Milaagu Diifu Kinnim Qaddoyse Gifta Adam Faarac Qikkibo Mascabal Itiyopiyal Inkih Tan leeda Bahtuh Taamitak Geytimtam Qaddoyse :: 

Leeda Parti Mangantiinaaneh Inkintinaane kee Ayyunti Curiinoy Moddaqiino Rakiibo Abak Xissimtem kee Sissik Dadal Aybaluk 14 Miliyonuk Daga Takke Adoytiit Aluk Afrikal Naba Parti Kinnim Qaddoyse :: 

Leeda Parti Ummatta Gabah Assagolt Antifiqimak Fayya lee Xaloot Tuybulle Taama Abtem Qaddoysak A sanat Buqure Luddak Muritsso Fayya haanam kee 5 sanatih Addat 32 biliyonuk Daga Yakke Coox Daabiseenim A sanat Kaaduk 7 Biliyonuk Daga Yakke Coox Daabisoonuh Faxxima Bice Yekkem  Qaddoyse :: 

Kalah Kaaduk Nabah Tan Cugaysoosa Elle Faxximta maxxat kee Sissikanel Abbinoyask Geytimaanam Leeda Partik Baxxa  kinni Qaddoysak Tahah kaaduk Nabah Yan Asqassabe Karawad Tiyak Teyna kinnim Qaddoyse ::

Leeda Parti Ciggiila  6 Alsih Addat 2 Hayto Kobox Gexselem Qaddoysak 
Tama Koboxul Leeda Parti 2 sanat kee Garab Addat Geysisseh Tan Xalu Kusaaqisak Fooca Fan Takku Wayta Taamomih Afkan Daffeyselem Qaddoyse':: 

Gifta Adam Faarac Tama Foromut Angaluk Geytimtah Tan Siyaasa Missoyaani Leeda Parti Taaluwayta Koboxut Akah Yangalen Innah Seecoy Tatrusem ..