Yamaate Sanatal Jaamiqat Qunxa Garbluk Garabak Xabba Haanam Baritto Akah Qemmisan Innah Aboobuh Taamitak Geytimna :: porofeser Birhanu Nagga

Addis Ababa waysuk 7 sanst 2016 (ENA)

Yamaate Sanatal Jaamiqat Qunxa Garbluk Garabak Xabba Haanam Baritto Akah Qemmisan Innah Aboobuh Taamitak Geytimaanam Baritto Malaak  porofeser Birhanu Nagga Qaddoyse:: 

Baajet Liggidak Ellecabo 100 Ayroh Abbinos Kusaaq Naharsi Malaak D/r Abiy Acmad Elle Geytime ikkel Gexsenim Tamixxige 

Tama Gudgudul Baritto Malaakih Abbinoysul Baar lee Walal Elle Abeenim Porofeser Birhanu Negga Qaddoyse 

Sanat 2016 bajetil Ayyuntak Geytime Qokolul Baritto Horah Iyya Gaadul 22 Alfi Maadaha Tan Qusba Baritto Buxaaxi Xisne kee Dammiyo Tekkem Qaddoyse :: 

 

Baxsa luk Barteynitih Yaceen Rimixiyal Aqayyare Qemmisem Qaddoysak yamaate Namma Ayyamih Addat Jaamiqat Barteyniitik Mawuqah Aqayyare Aceloonum Qaddoyse  

Diteli Alsak Qemmol 12 Hayto Footimah Aqayyare Yaceenim Qemmisoonu Waanak kee Tama Aqayyare Elle Faxximta Innal Yacoonuh Aqayyare Absissu Wayta Barseynitih Faxxima Itta Aydakaakan Acayuk Geytimaanam Baxxaqise'':: 

A sanatih Aqayyare Warkat kee Online Yaceenim Kinnimih Taaga Faxxima Iyya Bica Abeenim Yescesse :: 

Baritto Malaak Baajet Liggidal Abbinoysoh Ekraarisen Ekraarok Tiyak Teyna Barseyni Aydakaakan Karmah Uddur 62 Alfi Takke Barseynit Barsaanah Yanin Baritto Wagittaamal Aydakaakan Yacoonuh Faxxima Bica Abeenim Qaddoyse :: 

Ellacabol Kaaduk Yamaate Sanatal Jaamiqatitte Qunxa Garbaluk Garabak Xabba Haanam Baritto Akah Qemmisan Innah Taama Akkuk Geytimta Qaddoysen 

Baritto kitooba Fikiikisiyya Wagittamal Inki Kitaab 3 Barteynah Akah Yakken Maadiseenim Yescesse :: 

Yamaate Namma Alsih Addat Baritto Malaak Amriseh Yan Kitooba Baaxo Fan Cultam Kinnuk Sanat 2017 Liggidal Dudda Haanamal Inki kitaab Inki Barteynah Akah Maada Innah Taamitak Geytimaanam Qaddoysen:: 

Jaamiqatitte Sinni Akah Xiinissa inna kee Qagitaak Xisaanam Wagittamal Qemmimte Taama Diggowak Gexelem Qaddoyse 

Jaamiqatitte Xiinisso Wagittal Uguttah Tan Meqe Xiinisso Taqabitte Yafdigoonuh Taama Akkuk Geytimtam Baritto Malaak Porofeser Birhanu Negga Qaddoyse ::