Baad Banki Culenti Maysaasah Abbinoosiyyah Qokol Abelem Qaddoose

Addis Ababa, Laqini-Alsak 28, 2016 (ENA) Baad Banki Hangi Faxxa Langitte Axcuk Baxsa Culenti Maysaasay Abinitteh Qokol Abelem Qaddoose.

Baar Banki Kee Culenti Malaakih Fanal Agat Culenti Maysaasau Abto Arac Xagtam Elle Duddannih Caagiidal Walalen.

Culenti Malak Agatak Culenta Fayya Akah Iyyannah, Makro Ekonomi Dadal Faxxiima Caddo Fan Baahoonuh 25 Takke Culenti Maysaasah Abinitte Fiirisak Taama Fan Culeenih Geytimaanam Yiysixxigen.

Itiyoppiyal Baad Bankik Taama Miraaciini, Culenti Malaakih Kutbeh Buxal Geytimak Abeenih Yanin Walalal, Culenti Maysaasah Abinitte Elle Faxximta Caddol Akah Abbinowtannah Akkuk Geytimta Macalittek Mayballak Teyna Kinnim Yescessen.

Tama Aracal Culenti Malaakàh Tan Aynalem Niguse:- Qiso Gaaboysiyya Kee Xiinisso Katuk Agat Caddol Mango Coocitte Tanim Qaddosse.

Tahak Ugut Abak, Baad Banki, Baxsa Luk Fanteena Caddol Hangi Akah Yecen Langitte Axcuk Baxsen Culenti Maysaasah Abinah Qokol Abam Faxximtam Esserte.

Qiso Gaaboysoyyal Daffeyteh Tan Sanat Taddeerah Katyk, Assakat Le Taama Tekkem Takkay Ikkah, Maddur Racisa Baado Gaddaay Tonnah, Sacarak Guval Yan Baaxooxah Caddol Yablen Wak, Kaxxaam Addah Tanim Gifti Aynalem Qaddosse.

Qiso Gaaboysiyyaay, Qiso Meklah Ayfaafitteey, Dijitalayzeshiniiy, Sihadayti Caylih XiinissonKee Duddi Gablusiyyih Katuk, Qokol Faxaanam Tiysixxige.

Baad Bankih Ergah Adoytit, Culenti Maysaasah Abinitteh Qokol Aboonuh Sittin Gey Abeenih Yaniinim Ascassuuk, Tama Malaakak Taama Gexsitil Rakitak Abbinowelemit Qaddooseenim Culenti Malaakih Oyti Yascase