Qafár rakaakayal sahdaytí baxi bicsah yan ibaa kee gaba sinaamat haanamih ayfaaf acayuk sugte Hindiyah mihratleelah mamaaxagaa kee faatiti prograam gexseenim warsen

        Addis Ababa Addis Ababa Laqin alsak 14 sanat 2016 (ENA)

Qafár rakaakayal qasa dirrik 17 qimbisak gexisak sugeenih yanin dagar erkella/nna leelah Sahdaytí bicisah yan ibaa kee gaba haanamih ayfaaf gaba kaleemik gexak tama ayfaaf acayuk sugteh tan Hindiyak temeete Qaafiyat mihratleelah tama taama meqe gurral gexxuh faxxiima koobaahisiyya abak sugteh tan dagortih Faatit kee acwâ taddiira gexsen.

Federaalak Sayyoo kee ayyuntiinô caagiidah malaak Hindiyah Imbaasii kee Hindiyah doolatâ luk cattiimak tonnaah Samarâ jaamiqat Qafár rakaakayak Sayyoo kee ayyuntiinô caagiidah biirô luk cattiimak gexisak sugeenih yanin baxaa baxsa le ginô qawwalaylaa kee carbiik gexxaamah dagar ayma luk sugteh tan erkella/nna leelah Samarâ jaamiqatak Logyí Hospitaalal acayuk sugeenih yanin ayfaaf meqe gurral gaba kaltem qaddoosen.

Faatit kee acwâ taddiiral Qafár rakaakayih doolatak naharsí caxah afteenà Giftì Asiya Kamaal Qafár rakaakayak Sayyooy Alaaqaa kee ayyuntiinô caagiidah biiroh saqalàh tan Giftì Faatuma Macammadaay, Samarâ jaamiqatak Kusaaq kee Teknoloojî tabaatabsak ciggiila Prezidanti Gifta Adam Qalii kee tonnaah Jaamiqatak Xayrekterwaa elle geytimte.