Qafar Rakaakayak Salaam kee Saay Biiro Amerikah ergaay, UNMAS kee Ethio mine action lih walal gexsen. - ENA Qafar Afa
Qafar Rakaakayak Salaam kee Saay Biiro Amerikah ergaay, UNMAS kee Ethio mine action lih walal gexsen.
Addis Ababa Laqinik 13 Sanat 2016 (ENA)
Rakaakayak Saay kee Salaam biiro Amerikak temeete Sega (delegate) UNMAS Galli maroh eglak yoogoqen ganaabil kee kaxxa aslaca caagiidal taamittah tan exxa kee Ethiopia mine action Qafar Rakaakayak salaam kee saay biiroh miraacinu lih xaloot leh yan walal aben.
Ta erga Qafar Rakaakayak carbi elle sugeh yan dariifal yoogoqeneh suge ganaabil kee kaxxa sillacah xaylo ayyunttal gufsak geytimta taqabi yabloonuh yeexegen dariifat gufne abeenik gamadal rakaakayak salaam kee saay biirok C/saqal Gifta Gaddo Cammoolo walal ken luk gexse.
Ta Walalal, taham fan kaxxa aslacah xaylo kee yoogoqen ganaabil wagitaak abeenih yanin taamak ux gabbaaqu dayyossaay, sarriinoh qokol elle faxxiimah yan dariifah ascossa abak,salaam kee saay rakisso ayyuntti amni kee nagayniina dacayrih takke taama ikoytiinul abelem qadsoysen.