Itiyopiyaa Kee Qiraaqh Fanal Xer Udduuruh Sugeh Yan Fanta-Axaw Kee Angaaraw Foocâ Fan Diggoowak Gexe Leh Yanimiiy Qaddowte. - ENA Qafar Afa
Itiyopiyaa Kee Qiraaqh Fanal Xer Udduuruh Sugeh Yan Fanta-Axaw Kee Angaaraw Foocâ Fan Diggoowak Gexe Leh Yanimiiy Qaddowte.
Addis Ababa Qasa-Dirrik 25/2016(ENA):-Itiyopiaa Kee Qiraaqh Fanal Xer Udduuruh Sugeh Yan Fanta-Axaw Kee Angaaraw Foocâ Fan Diggoowak Gexe Leh Yanim Itiyopiyal Qiraaqh Ambaasadderih Yan Saqid Macammad Jibriliiy(D.R) Qaddoyse.
Baxsa Le Farmoytaay, Ambaasadder Saqid Macammad Jibriliiy(D.R) Bagdaadal Geytimah Yan Salaam Migaq Leh Yan Doolat Dabaaqih Addal Gexsiteh Yan Gud-Gudul Geytimak Ambaasadder Reeda Qiraaqh Perezixanti Qabdû Latiif Rashiidik Tabseh Yanimiiy Timixxige.
Ta Ambaasadder Ta Aracal Elle Yescesseh Yan Innalaay Itiyopiyaa Kee Qiraaqh Fanta-Axaw Xer Aydaadu Leh Yanim Kee Qiddaddooy,Siyaasaay,Wacaysir Kee Qaadaay Kalah Tan Ludditel Digga Luk Sugeh Yan Fanta-Axaw Foocâ Fan Diggoowak Kah Gexannah Taamitu Waah Yaniimitiiy Yaabe.
Qiraaqh Doolat Qagitaak Itiyopiyal Imbaasi Faktuh Abteh Tan Macal Kee Itiyopiyah Doolat Abteh Tan Oggol Digga Leh Yanim Kee Faxximma Iyyah Yan Qokol Kee Garayyo Abtu Waytah Tanimiiy Qaddowte.
Ta Ambaasadder Perezixanti Sahle Werqhe Zewxe Qiraaqh Perezixanti Qabdû Latiif Rashiidih Rubteh Tan Farmo Kee Aydukuma Kaa Gufseh Yanimiiy Timixxige.
Qiraaqh Doolatih Perezixanti Is Le Katukuuy Qiraaqh Kee Itiyopiyah Fanal Sugeh Yan Fanta-Axaw Diggoowuh Macale Leh Yanimiiy Yescesse.
Qiraaqh Doolataay Itiyopiyal Imbaasi Faktuh Taakume Bicittek Gaba Kalteh Tanim Kee Itiyopiyah Doolatih Katuk Oggol Geyteh Tanim Afâ Caagiidah Malaakak Geyneh Nan Oytiiy Yascasse.