Kilbat Kee Fanti Ityoppiyah Rakaakayittek Angaaraw Gudgudih Abnissoh Qaguntal walal yekke,

Addis Ababa Qasa drrik 23 sanat 2016 (ENA)

Kilbat Kee Fanti Ityoppiyah Rakaakayittek Angaaraw Gudgudih Xisne Kee Abnissoh Qaguntal walal Samarâ magaalal yekke yekke

Meqe Xiinissoh Kilasterih koobaahissol gexsitak geytima tama gudgud yaabal fakeh yan Meqe Xiinissoh Kilasterik Koobaahiseenah yan Gifta Acmad Cuseen Federaal Doolatak Salaam Malaak Kee Federeeshin Maláh Buxah Qokol kee Koobaahissol missooweh yan tama Qagunti Koona (Qafar, Tigraay, Amhara, Oromiya Kee Benishangul Gumuz) rakaakayitteh fanat Qaafiyat leeh, Ummattâ tuxxiiq aracat haam duuda gexsit daabisoonu kinnim yescesse.

 

Tá gudgud kah faxxiimem Qafár Rakaakayih caddol nee celtam kee neh faxxintam edde osisak mablat gablusnu iyyeh yan Gifta Acmad Cuseen fooca fanah sissin gudgudittel caagiida wagitta maglableela elle walalise-loonum diggoyse.

Tamá gudgudul Qagunta xayyooseh yan Maadi Caagiida Kee Bood Fidgah Kutbeh Buxak Saqalah yan Gifta Casan Cuseen Qagunti Koona rakaakayittek caagiida wagitta maglableela elle walalak faataciseeniik lakal Koona rakaakayitteh ummattah tuxxiiq elle geysissam dudda gurral ekraaro kah ayyaaquk abbinoowelem yescesse.