:Qafár rakaakayal Sahdaytí baxi bicseh yan dagar maasayyooyih qokol axcih (ibaa kee gaba ) sinaamah haanamih taama qembiseen. - ENA Qafar Afa
:Qafár rakaakayal Sahdaytí baxi bicseh yan dagar maasayyooyih qokol axcih (ibaa kee gaba ) sinaamah haanamih taama qembiseen.
Addis Ababa Qasa Drri 17 Ssnat 2016 (ENA)
Itiyoopiyal Hindiyah ambasaxerih yan kumar reey edde anuk baxaabaxsale fayya le miroocti elle geytimte ta aracal geytimteh tanim Sayyo Kee Ayyuntiinoh Caagidah Malaakih Awlaytu gifta Asalifow Amaxiniy, Rakaakayak Sayyo kee Ayyuntiino caagidah biirok naharsi saqalá Gifti Faatuma Macammaday, Samarâ Jaamiqatih prezixentih yan D,r macammad Qusmanay, Rakaakayak maddurk kilasterih saqal gifta Qali macmud kee baxaabaxsale seeco akah aben Qibni elle geytimak Qafár rakaakayal Sahdaytí baxi bicseh yan dagar maasayyooyih qokol axcih (ibaa kee gaba ) sinaamah haanamih taama qimbiseenih geytiman.
Federaalak Sayyoo kee ayyuntiinô caagiidah malaak Hindiyah doolat kee Hindiyah Embassy, itiyoopiyal tanî luk cattiimakaay, tonnaah Qafár Rakaakayak sayyo kee Ayyuntiinô caagiidah biirô kee samara jamiqata luk cattiimak dagar erkenna leelah yaceenih yanin Sahdaytí baxi bicseh yan dagar maasayyooyih qokol axcih (ibaa kee gaba) qokol dagarat sinaamah haanaah daabisaanamih taama Hindiyah baaxok temeeteh tan qaafiyat mihrat leela ayfaaf teceem qimbissen.
Tama ayfaaf akah yaceenih yaniinim ginook takkuu baxaabaxsa le sababittee qawwalayloolik gexxaamah dagar erkenna toofeeh qawwalaylâ Dale akah urteh tan dagar erkelle leela Samarâ jaamiqatih Hospitaalah yan Logyah Hospitaalih addal yeexegen udduuruh bicseenih yanin daylí aracal tama qaafiyatih ayfaaf yaceenim qemissen.