Gadbô xalootitteh taamak leenah hadaf maaqiddi caabi isinnik arcisaanama" Ciggiila Naharsi Malaak Temesgen Tiruneh - ENA Qafar Afa
Gadbô xalootitteh taamak leenah hadaf maaqiddi caabi isinnik arcisaanama" Ciggiila Naharsi Malaak Temesgen Tiruneh
Addis Ababa Qasa Drrik 12 sanat 2916 (ENA)
Leemat turrufaatih taamak cundubuh tanim maaqiddi caabi isinnik xiqaanam kinnim Ciggiila Naharsi Malaak Temesgen Tiruneh qaddoyse.
Baaxô caddol leemat turrufaatih taamak inki sanat kee qaxi kusaq Hawaasâ magaalal gexsitak geytima.
Kusaq gudguduk fakkenta abeh yan Ciggiila Naharsi Malaak Temesgen Tiruneh gadbô xalootih taamak leenah hadafah tanim baxsa luk affara ximmo kinnih tanim baxxaqise.
Tahak hadaf murtitte yaysiiseenim kee qadaagâ sabhalalaay, irô kabxah gabat agle kee taama saami kinnih tanim qaddoyse.
Ta taama maaqiddi caabi ninnik aracat haynuh baxsa le doori leh tanim kee tahallih taama saamil giffo lem qaddoyse.
Sixaamah Rakaakay yuybulleeh yan baxsa le xaloot geeri dariifa fan baarimak abbiwtam faxximtam kassiise.
Buqre Malaak Dr. Girma Aminteh isi katuk iyyeemihiy, Itiyoppiyah caddol alaafaatal loowimta gadbô xalootih taamoomih fanteenaani geytimtah tanim kee tahak addak Sixaamah Rakaakay baxsa le taamay faatit akah yaguude abeh yanim yiysixxige.
Ta taamak abak raag geeri raqte Rakaakayitte hirigatak Gadbô xalootih luddal xaloot le taama akah takkennah abaanam faxximtam kassiise.
Ta gudgudul Rakaakayitte Saqolti kee Addis Ababa kee Dirri dawah magaalah xiinissoosa edde tengeleh geytimta.