Jibuutik kiblat le kabih badal korteh tan Doonik qawwalayalat 38 takke Itiyoppiyah xayloh qawwaddi yeqe

                         Qasa xirrik 01/2016 (ENA)

Jibuutik kiblat le kabih badal booddeh tan Doonik qawwalayalat 38 takke Itiyoppiyah xaylo ken toofe qawwalayalat rabeenim warsen.

Itleenih Apriilik 8 sanat 2024 A. L. L. Jibuutik kiblat le kabih badal Yaman fanah safarah gexak sugte Itiyoppiyah xayloy 60 takkek doonikit booddeh tan qawwalayalak gexxaamah 38 marih qawwaddi edde yawqem yiysixxigen.

Jibuutil IFDR ih miisiyoon qawwalayala elle toofeeh tan dariifa gexak qawwalayalak sabab maca kinnim kusaaqisak geytimaanam yiysixxigen.

 

Kulli sanatal 20 alfik amo takke Itiyoppiyah xaylo xabboh (guuroh) Jibuuti Badaak, Qadan bad gacak Yamanaak, fanti maacih baaxooxa gufoonuh gibdih tan agxe kee gabdago ken garaytah tanim yescessen

.

Taturte koona sanootal dibuk 189 amo takke Itiyoppiyah xaylok qawwaddi edde yawqem yiysixxigen.

Qawwalayala kulli waktil boodak geytimtam takkay immay guurô marih qadad waxi kinnih yunkuseh mayan.