Itiyoppiya Lakqo gaddih qadaagak 1 ximmoy 5 biliyeenih birrik amo yakke kappitaal geyte

                    Qado dirrik 26 sanat 2016 (ENA)

Itiyoppiya Lakqô gaddih qadaagak ekraariseenih sugeenimik 2 duble ossitih geytem yiysixxigen.

Ta qadaagak Leenah taama gexse yan Dr. Tilaahun Ismaaqil elle baxxaqisennal, Itiyoppiya inkih yan laqko gaddih qadaagak baaxoh adda irô baaxoh gaddaloolak qambaalak sugeenimik amo beenim ascassuk, 1.5 Biliyeenih birri (26.6 Miliyeenih dollar) kappitaalah geytimtem qaddoyse.

Taham qimboh ekraariseenih sugen 631 miliyeenih birrik (11.07 Miliyeenih dollar) kappitaalah 240 booluk culah luk sittat faynansi Kee faynansi luddal xiseenih yanin baaxoh adda kee Afâ baaxoh gaddaloolah gabat aglel tekkem qaddoyse.

Ta Firqawiinu canka Kee Doolat sittin qokolul luk kaxxa garabluy sanat 2016 xissiimeh yanim kee Itiyoppiyak Investment Holdingih katuk xiqsiiseenih yanin kappitaal isi abbixuk canakâ luddi kaadu tonnah booluk 75 edde luk sugem yiysixxige.