Tsehay Tayyaara baaxo fanah tuduurem Aviyooshin mihrat leelak misenkaciyyô moral lem yiysixxigen - ENA Qafar Afa
Tsehay Tayyaara baaxo fanah tuduurem Aviyooshin mihrat leelak misenkaciyyô moral lem yiysixxigen
Qado diirik 12 sanat 2016 (ENA)
Tsehay Tayyaara baaxo fanah tuduurem Aviyooshin mihrat leelah kaxxa moral lem kinnim Itiyoppiyak Qaran Caylih mirocti kee adoytit tiysixxige.
Itiyoppiyah mihrat leelah qokolul takke Tsehay Tayyaara Itiyoppiya inkitto iyya migaq akah yeceen Tsahay Tayyaara naqaboyti Addis Ababa lowsiise wak Room fanah beenih sugeenim tamixxige.
Ta Tayyaara 88 sanataak gamadal tekkeh yan xiblomaasih taamah xalootul baaxô fanah aduuruk, Qaxuwâ maysô kassittoh muuziyeemil daffeytam xiiqimte.
Qaxuwâ mayso kassiittoh Muuziyeemit gufne Abeh yan Itiyoppiyak Qaran Caylih adoytit kee miraaciinu Tsahay Tayyaara baaxo fanah tuduurem Aviyooshin mihrat leelak misenkaciyyô rufto kinnih tanim baxxaqisen.