Addis Ababal Embaasi fakte baaxooxah qadad 134 gufem Afa caagiidah malaak yiysixxige

                      Qado dirrik 7 sanat 2016 (ENA)

Taturte namma ayroorat 17 tekke baaxooxa qusbih Itiyoppiyal reedisseh tan Ambaasaxxeritte Perzexeti Sahle Workel reedissoh ayyufta xayyosse.

Reedissoh ayyufta xayyosseh tanim sagaal takke Afrikah baaxooxa kee inki Aasiyah baaxooy, sidoc takke Awroppah baaxooxa kinnih tanim kee tiya Karaabiyah baaxo kinnuk, Kepiverxi Kee Armaaniya embaasi qusbih fakte baaxooxa kinnih tanim yiysixxigen.

Reedisen Ambaasaxxeritte reedisooh ayyufta Perzexeti Sahle Workel xayyoysen wak isinni baaxooxa kee Itiyoppiyah fantaaxaw maqarroyse loonum arciseenih yenen.

Baaxooxa qaadaay, ayyutaa Kee ayyunti fantaaxaway, tellemmo Kee investmentiy, Turuuzim siyaasâ caagiidal angaaraw Itiyoppiya lih diggoysaanamih fayxi loonumut yaaben.

Ta caagidil retteemaamih baxxaqsa abteh tan Irô caagiidah malaakih xeeta Ambaasaxxer Burtukaan Ayyaano bacureerah addat mango qusba Ambaasaxxeritte Kee milaagi Ambaasaxxeritte reedisooh ayyufta xayyosseh sugteemit yabte.

Awayih uddur Addis Ababah addal embaasi fakte baaxooxah qadad 134 gufeh geytimam tiysixxige.

 

Addis Ababal Embaasi faktaamih fayxi leh tan baaxooxa kee fakteh tan baaxooxah qadad ossimak yamaatem tescesseh tan Ambaasaxxer Burtukaanaay, taham Addis Ababa xiblomaasih fanteena abtà taamak exxak tiya kinnim baxxaqisse.

Taham magaala baad caddol qalayli taallu Kee Itiyoppiya baad caddol leh tan ayti gexxo fayya taybleem kinnim ascassuk, Itiyoppiya teetik qambaltimtah tan qaaqak awquk baad caddol leh tan xiblomaasih ayti gexxo dacrisak faacoh haak gexelem Ambaasaxxer Burtukaan Ayyaano retteemaamih abte baxxaqisal, qaddosse.