Agat Caddol Maxax Afih Kansarak Naharsi Caddoh Kalali Aftabu Yaceenim Qimbisen - ENA Qafar Afa
Agat Caddol Maxax Afih Kansarak Naharsi Caddoh Kalali Aftabu Yaceenim Qimbisen
Addis Ababa, Caxah-Alsak 25, 2016 (ENA) Agat Caddibnal Maxax Afih Kansarak Naharsi Kalali Aftabu Asaakuk Xabba Haanam Yaceenim Qimbisen.
Tama Caagiidal Maybalaalaqa Teceh Tan Qaafiyat Malaakah Tan Dr. Medes Daaba:- Qaafiyat Malak Sanaty 2011 Xabba Haanam 5 Ximmo 4 Miliyon Takke Karmak 14 Akak Gufeh Yan Say Urruh Tama Aftabu Yeceenih Yaniinim Qaddosse.
Ahak Afalk Tama Aftabu 2 Exxah Acayuk Sugeenim Takkay Ikkah, Away Baad Caddol Yekkeh Yan Kusaqal Inki Adda Yaceenim Xiqtah Taniimih Taagah, Tama Aftabu A Sanataak Xabba Haanam Inki Adda Dibuk Antacawwelem Tiysixxige.
Asaakih Ayro Qimbiseenih Yan Aftabi Gaadu Ila Caxah Alsak 29 Sanat 2016 Fanah Agat Caddol Baritto Buxaaxiiy, Qaafiyat Fanteenit Kee A Caagiidah Bicseenih Yanin Aroocal Antcawwelem Qaddosse.
Maxax Afih Kansarak Naharsi Kalali Aftabi Baxaabaxsa Le Saay Taqabi Elle Geytimah Yan Dariifal Eller Suga Fanteenitiiy, Duffuumeh Yan Marih Fanteenitil Akah Tantacawweh Tan Innah Meqem Abittoh Eglaali Lih Cattiimak Aceloonum Tescesse.