Cajji Awwal Qarba Akkuk Geytimtah Tan Buqre Daddoosih Taamoomit Gufne Abe - ENA Qafar Afa
Cajji Awwal Qarba Akkuk Geytimtah Tan Buqre Daddoosih Taamoomit Gufne Abe
Addis Ababa Caxah-Alsak 11, 2016 (ENA) Qafar Rakaakayak Naharsi Saqal Cajji Awal Qarba Miraacisah Yan Rakaakayak Fayya Le Mirocti Awsi Rasih Xintok Dubte Daqaarak Ayrolaf Kee Gablayti Awdal Tekkeh Tan Buqre Daddosih Taamomit Gufne Aben.
Awsi Rasuk Dubte Daqaarak Ayrolaf Kee Gablayti Awdal Ta Sanat Buqre Daddosih Caddol Daccarsittoh Xiinah Ayyunta Kee Canka Gaddaloola Doolatak Geenih Yanin Qokolul Teefiy, Sirrayay, Garbisillaay Basal Kee Kalah Baxaa Baxsa Le Buqre Taamomi Abak Awayyih Uddur Murtissoh Caddo Maadoonu Xiqen.
Ta Gufneh Aracal Qafar Rakaakayak Naharsi Saqal Cajji Awal Qarba Abeh Yan Yaabal Qafar Ayyuntak Maaqiddi Caabi Diggosnuh Qembisneh Nan Buqre Taamak Assakat Le Xaloot Anballayuk Geytimah Yanim Kee Baxsa Luk Kaadu Daccarsittoh Xiinah Ayyunti Leh Yan Buqreh Ardi Kee Weeqaytut Doolatak Geyaanah Yanin Saamit Antafaqamuk Sinni Kee Baaxok Maaqiddi Caabi Diggoysaanamal Meqe Taama Abak Geytimaanah Yaniinim Qaddoyse.
Tonnah Kaadu Awsi Rasuk Dubte Daqaarak Ayrolaf Kee Gablayti Awdah Ayyunti Ta Buqrek Geytimah Yan Xalootut Yantafaqamoonuh Doolat Caddol Ardi Bicsaanamih Taama Kee Daccarsittoh Xiinah Ayyunta Uguugusaanamih Caddol Yekkeh Yan Macalak Geytimeh Yan Xaloot Kinnih Tanim Yescesse.