Taama Kee Duddi Malaak sanat 2016 Laca alsih taamah gabbaaqu elle kusaaqisan Gudgud Samarâ Magaalal Qimmise

 

Samara-Agda baxissok 30, 2016 (ENA)

Taama Kee Duddi Malaak sanat 2016 Laca alsih taamah gabbaaqu elle kusaaqisan Gudgud Samarâ Magaalal Qimmise

Taama kee Duddi Malaak Mizaaniyyat Liggidak 6 Alsih Taama Abbinossih Agaarad Gudgud "Taama Duddat Miracsintay" inta itrol Federaalay, Inkih Tan Rakaakayitte kee Namma Magaalah Xiinissok Tewqe Caagiida Wagita Dagorti Edde Angaluk Samara Magaalal gexsitak geytima.

Gudgudul geytimeh yan Taama kee Duddi Malaakak Ciggiila Malaakah yan Gifta Nugusu Tilaahun 6-Aslsih Taamah Abbinos Kusaq abnuh Samaral Sitta geyneemih unkaq iyyek lakal Ta Gudgudul Meqe Gambitte Foocah Edde Haynaah, Cooca le Gambitte Missoosak Edde Genxu Wayna Gudgud Kinniimih Taagah Kulli Num Gabah Assagolla kee Kattat Yallem Faxxinta Iyye.

 

Tama gudguduk Fakkenti yab abeh yan Qafár Agatih Rakaakayih Doolstak Naharsí Saqal Massakaxxa le Cajji Awwal Qarbs Itiyoppiya Faxe udduruk Muxxi Salaam kee Taamâ hadal Faxxa Uddurut geytimna iyye.

Gifta Awwal Qarba tama gudgudih fakkental tatruseh yan farmol Itiyoppiya Baxaabaxsa le investimentih Saamitteey, Leey, Efeq kee Faacissoosâ gadda leemih taagah taamah hangi naceem Faxxintaah toh aaxaguk tan saamittel baar luk walalak taamâ saami ginaanam baaxô dadalak xiiror lafa kinnim aaxaguk taamitnam faxxinta iyye.

Tá gudgud asaakuk Xabba Haanam ilaa Caxah alsak 2, 2016 Fanah gexsitelem timixcige.