Oroppah Eglah Ambassador Gifta Roland Kobia Miraacisa Ambasaaderwah Ergay Qafar Rakaakayat 3 ayroh wacaysir gufne abak sugte acarra gufnek gaba kalak Addis Ababa fanah yuduureenim yiysixxigen

 

          Agda baxissok 21  2016    (ENA)

Tama Erga Qafar rakaakayak Kilbattí rasut aben gunel kilbatti rasuk inaytâ Magaala Abqaalal, Qafar Agatih Rakaakayih doolatak xiinissoh abbah kutbeh buxak Ciggila Saqal Gifta Nuur Taahir kee Barittô Biirok Ciggiila Saqal Gifta Muusa Adamaay, Kilbatti Rasih miraaciinuuy, Abqaalâ magaala kee daqar Miraaciinuuy, kalah kaadu Abqaalah ummatta qax meqe garrayo keenih aben.

Tama gufneh uddur Qafar rakaakayak wacaysir Fanteenaaanik Qasqaleey, xalooluuy, Qerta Qalee kee Afxeerâ bad kee Tonnah rakaakay fanteemal Samarah addal geytima Agat Muuziyeemit gufne aben.

Ambassador Ronald Kobia miraacisa Erga Qafar baaxok Wacaysir fanteenaanit aben gufnel dudda le oyti geyoonuh Rakaakay miraaciinuk Gifta Nuur Taahiriiy, Gifta Muusa Adamaay, Kilbatti Rasuk Naharsi Saqal Gifta Macammad Qali Ascab kee Qaada kee Turiizim Biirok Turiizim Dayrektoreet Dayrekter Gifta Macammad Casan Yayyo ken waklisse.

 

Ambassador Roland Kobia Qafar baaxot abeenih yanin gufne wagsiisak elle-cabol tatruseh yan farmol Qafar baaxol assakat le ginô gadda kee qax-meqe baaxoy wacaysirih meqe yubleenim yesceseek lakal qimmooy illacabo fanah keenih tekkeh garayyo kee qibnaytiinot kaxxam ruffa iyyeenim kassiisak Qafar ummatta kee Doolatah kulsa le gadda gacsaanam diggoyse.

Ambassador Donald Kobia miraacisa erga abak sugen gufnek gaba kaleeniik lakal Addis Ababa fanah daqaarimen uddur Ciggiila Perezxentih Bilhadal Maddur kilaasterih Koobaahiseh yan Gifta Qali Macammad Macmuud miraacisa rakaakayak fayya le miraaciini Sultan Qalimirac Tayyaarâ booxak rubsus keenit abenim Xiinissoh Abbah maktabak geyne oyti yascasse.