Agat Parkitteh Amaan Dacayrih Taama Abak Geytimaanam Qaddowte - ENA Qafar Afa
Agat Parkitteh Amaan Dacayrih Taama Abak Geytimaanam Qaddowte
Addis Ababa, Agda-Baxissok 13, 2016 (ENA) Itiyoppiyak Garbo Dubaalitteh Dacayrih Abbatiino, Agat Parkittel, Garbo Dubaalitte Lee Wacaysirih Yamaateh Yan Marah Bica Akah Tallennah Taama Abak Geytimaanam Qaddosse.
Garbo Dubaalitteh Dacayrih Aroocal 108 Kiilo Meetiriik Dagah Addal Addah Gitih Qeedabiyya Abeenim Kee Maaze Agat Parkil Renjeerittek Gubti Qari Ayfaafah Bicak Gaba Kaleenih Geytimanam Yescessen.
Semen Teraaroch/Kilbatti Qaleelak Agat Parki Diib-Bahir, Limalimo, Kellaay, Sanka-Ber, Chenek, Teklay Sefer Tiltuna Sebat Minchil Geytimta Qawrah Qeedab Akak Abak, Ayfaf Akah Yacen Innah Abeenim Qaddoose.
Yangudi-Raasa Agat Parkih Kutbeh Xisne Boolul 67 Gabaak Daga Gufteh Tanim Tama Abbatiinok Kommunikeeshin Mihratli Naakaachew Birilew Fana Birodkasting Korporeetih Qaddoose.
Tama Dacayri Elle Aban Aroocah Dariifal 51 Alfi 379 Buxa Saqah Aftabu Yeceenim Ascassuuk:- Diwaatitte Limoh Mizaaniyyat Qaki Sugteemih Taagah Tama Taama Elle Faxximtannal Akke Waytem Yiysixxige.
74 Alfi 600 Yakke Wacaysirih Yamaateh Yan Mari, Tama Parkittet Gufne Abeenim Kassiisak:- Garbo Dubaalittek Boolul 64 Ximmo 45 Miliyoonih Birrih Culenti Akak Geytimem Qaddoose.
Tama Dacayri Aroocal Takke Gita Mali8noh Abtooto Boolul 66 Gaba Tunkuseh Tanim Kassiise.
Tonnah Baaleh Qaleelak Agat Parkih Dariifal Madqaak Iroh Takke Angagoyyitte Ankasuk Geytimtam Geytimtam Yescesseh Yan Tama Mihratli, Hareenah Garbo Kee Senete Qasot Saqa Annaak Elle Ruubak Sugeenih Iyya, Boolul 97 Gaba Tunkuseh Geytimta.