Aveeshinik Sihadayti Caylih Daddoosul Sitta Lih Taamitaanam Elle Duudan Sittin Gey Yekke

 

Addis Ababa, Agda-Baxisso 03, 2016 (ENA) Aveeshinik Sihadayti Caylih Daddoosul Sitta Lih Taamitaanam Elle Duudan Sittin Gey, Itiyoppiyak Qaran Merrah Eglaay, Sivil Aveeshin Abbatiinooy, Taama Kee Duddi Malakaay, Itiyoppiyak Qaran Cayla Kee Ityiyopiyak Eero Kileb Fanal Sitta Lih Taamitoonuh Gili Hen.

Tama Gudgudul Taama Kee Duddi Malaakàh Tan Gifti Mufarricat Kaamil Elle Qaddoosennal:- Ni Xaylo Faxxiimta Ixxiga Kee Dudda Akah Yallen Innah Abak, Aveeshin Langil Akah Taamitan Innah Yekkeh Yan Sittin Geyi Kaxxa Doori Allelem Qaddosse.

Itiyoppiyak Sivil Aveeshih Abbatiinok Leena Dayrekter Gifta Getachew Mengiste:- Baadal Aveeshin Siirat Elle Faxxiima Gital Miraacisak, Sihadaytih Daddoosul Maqar Le Rakiibo Tallem Faxximtam Yiysixxige.

Itiyoppiyak Qaran Merrah Eglak Naharsi Saqal Gifta Mesfin Taasew Is Le Katuk:- Fooca Fanah Baad Aveeshin Kee Erospees Langil, Itiyoppiya Mexxat Kee Mangoh Yan Aydakaakan Geyeh Yan Sihadayti Cayla Abbinossam Faxximtam Yescesse.

 

Tonnah Ahak Afal Aveeshin Jaamiqatal Dibuk, Acayuk Sugen Aydakaakan Qunxaaneyta Kee Qunxa Urruy Barteenitih Yanih Iyyah, Baritto Buxaaxih Addal Aydakaakan Akah Geyan Innah, Aboonuh Sitta Lih Taamitaanam Nek Faxximta Axcuk Qaddoose.

Mabla Xayyoose Kee Itiyoppiyak Ero Kileb Xiseh Yan Gifta Yonatan Menker Is Le Katuk:- Qunxa Mariino Karmaak Xabba Haanam, Haadiyya Kee Ero Espees Kacanu Leh Yan Qunxa Urri Ixxigal Ken Diggoosak, Tama Langih Dudda Akah Yallen Innah Abak, Alaaqa Niya, Arac Akah Xagtannah Isikkeh Qokol Lem Kassiise.

Tama Sittin Geyil Aveeshin Ixxiga Madabiino Barittoh Buxaaxil, Kollejitteey, Matteebinnu Kee Mihrat Aydakaakan Kee Jaamiqatittel Antacawwlem Warsen.

 

All reactions:

44