Addis Ababa Qasa dirrik 29 sanat 2016 (ENA) Itiyoppiyak Qaran Merraytih exxa ET154 ixxima le Tayyaara Hawaasaak Addis Ababa fanah tamaateh qaraanal tan saaqat addak qer akak yawqem qimbissem Takkay ikkah Boolek baad caddoh Tayyaarah booxa Salaamah gufteh tu taqabi edde mankullukinna. Gexantit inkih amaanah tisillime. Takkay ikkah qer akah yumbullee sababak fokaaqak geytiman. Itiyoppiyak Qaran Merraytih exxa gexantiitiy ta Tayyaarat sugtel qafuuta esserte.

Addis Ababa Qasa drrik 29 sanat 2016 (ENA) Samarâ jaamiqatak logyah hospitaalal Qasa dirrik 17 qimbisak gexisak geytimaanah yanin dagar erkella/nna leelah qokoluh sahdaytí baxi bicsah yan maasayya (ibaa kee gaba) daabisaanam kee ayfaaf yaceenimih taama namma ayyaamih addat 200 (Namma bool ) yakke marah ibaa kee gaba daabisaanam xiiqimtem tama projektih koo baahiseenit qaddoosse. Tama ayfaaf ciggiltah tan 5 ayyaamitteh gexsitak sugelem qaddoosen. Ní ayyunti oyti gee waytiik gexxaamah tannah yan meqe saamik geê kal raaqaanam faxxiime waytam Samarâ jaamiqat yiysixxige.   Ellecabol tama ayfaaf meqe gurral akah gexannah is le kabuk faxxiima macal abtah tan maglableela kee xisoosâ miraaciinuuy, mihratleelaay tonnaah kulli caddol tanih tan koobaahiseenitik inkih Samarâ jaamiqat kulsa le gadda gacisak tama ayfaafih taama gaba kaltah gide abtaanah tanin kulsa le taama bisoh haytaanam faxximtam Samarâ jaamiqat yiysixxige.

Addis Ababs Qasa dirrik 29 sanat 2016 (ENA) Baaxô caddol Saytun Itiyoppiya kee Saytun dariifa Qaafiyat xisoosa elle qimbissam dudda taddeera Alerting Ispishaalayzid Hospitalal qimbisen. Qaafiyat malaak kee Rakaakayittek Qaafaiyat biiroh saqoltiy tonnah Leenah xisoosa lih cattiimak baaxô caddol dariifâ saytunnoosaanam Kee Saytun Itiyoppiya ginaanamal, "Saytun Itiyoppiya" iyya ammuntal xisoosah uguugusih taddeera qimbiseenih geytiman.   Safa le Qaafiyat xisoosa Kee Daacô buxaaxih xiso kee nadaafatta qimbisissoy cayla dagoytidagoytitiih xisaanah yanin mayaarri qarwa tabsaanamih taddeera gexsen. Qaafaiyat malaak Dr. Mekxes Xaba uguugus qimbisissol abte yaabal, Saytun Itiyoppiyah uguugus baaxô caddol Saytun hora ginaanamal takke taama elle abbinoysaanam duudan gexsitil walal abak geytimaanam yiysixxigen.

Addis Ababa Qasa dirrik 27 sanat 2016 (ENA) 83 heele giclaabâ kassittoh ayroh waynabo Addis Ababak arat kiilok giclaabâ kassittoh waydalalaay yessekexxen. Taaracal geytimak yab abteh tan IFDRih Perzexenti Sahle Worki Zewxe inteemih Nabbobti qeero le giclo kee fida akah mekelak dacrisak temeeteh tan ni kunnabna kee curriino dacrisaanam kulli numul tan dirki kinnim aaxaguk dacrisaanam faximtamaay tiysixxigem.   Warrayte widdiira ni baaxo naqaboyti koosiyok nabbobti catte inteh tan Perzexenti Sahle Worki Zawxey, away tanih tan hora kaadu inkih naqaboytah nek tanih tan baacat koysitak inki mogoy sittah akkuk tamaate horah baye sinni raat cabnam faxximtam qaddoysse. Ta Taddeeral IFDR-ih Doolatak kalali qande awlisak geytimeh yan kalali qandek sehdati caylak leenah taam gexseh yan Leetenaal Jeneraal Hatchaalu Shelleme giclo kee agiirinna hora horak nagarak tamaateemiy gexak raqta kinnih tanim ascassuk, taham Itiyoppiya elle tamixxige tet asta kinnih tanimiiy yiysixxigem.

Addis Ababa Qasa-Dirrik 27/2016(ENA) N/Malaak Abiy Acmad(D.R) Koros Qiid Sabab Abak Maaqiddi Maskamoh Taddeera Gexseh Yanim Kee Ta Taddeera Kah Gexseh Yanim Idoolaay, gaba Dagoytiitiiy,Tu-Maleela Kinnih Tanimiiy Qaddowte.   N/Malaak Abiy Acmad(D.R) Kee Kay Buxah Ina Gifti Zinnaash Tayyaachow Idoolaa Kee Tu-Maleelah Koros Qiid Sabab Abak Maaqiddi Maskamoh Taddeera Gexseenih Yaniinim N/Malaakih Ku/Buxak Geyneh Nan Oytiiy Yascasse

Addis Ababa Qasa dirrik 27, 2016 (ENA) Ciggiila Perezxentih Bilhadal Leedâ Partik Qafar Rakaakayih Luddak Kutbê Buxah Saqalah yan Cajji Qiise Adam Qiise 'Saytun Dariifa, Saytun manoh" inta itrol Agat caddol Saytunaane Edde Diggoysoonu Akkuk geytima Maali Gaaboysoh Gaadut Yengele. Gifta Qiise Adam Qiise Naharsí Malaak Dr. Abiy Acmad Qimmisiiseh yan tama gaadut 15-alfih Birr acayuk yengele.

Addis Ababa Qasa dirrik 25 sanat 2016 (ENA) Saqud qarabiyal gibdaabini addat sugte Itiyoppiyah xayloy gacisiyyi taddeeraly qimbiseenih geytimaanak 1 alfiiy, 229 take Itiyoppiyah xaylo baaxo fanah gecisen. Kimaalih ayro baaxô fanah gacisen maray 1229 yakkek 785 labhaay, 420 Sayyooy, 24 Alaaqa kinnih tanim kee tahak fanak 10 elaa 18 karmak fanat yan mari edde geytimam warsen. Elaa taham fanah 15000 amô takke gaciseenih geytimaanam Sayyo kee ayyuntiinô caagiidah malaakih oyti nummaysa

Naharsi malaak Dr. Abiyyi Acmad Kirestiyaanak unkaq 2016 heele Tinsaaqe qaffayda muquk sin gusem axcuk unkaaqinô farmo tatruse

Addis Ababa Qasa dirrik 25 sanat 2016 (ENA) Koroos Ummattah Qiid tutaqabi sinnim Salaamah akah yassaxxen innah yaakume bicak gaba kaleenih geytimaanam baxxaqisse. Salaamah baxsa le kacanuu le Itiyoppiyah ayyunti Saay kee Amni xagortih xaqut gacak salaam dacayril isinni katuk Cato abaanam faxximtam kassiisen.

  Addis Ababa Qasa Dirrik 24/2016 (ENA) USAID Maalih Qokolut "Lowland Health Activity" deqsitta Cugaysoy Qaafiyat Luddak Inontiy, Alaaqa kee Cata Qunxaaneytih Maysaasal Dacarsittoh Xiina Rakaakayittel Abbinowisonu waanah yanin cugaysoh aysaxaaxag taddeera gexsen. Tama tadderrah qimbisiyyih aracal Qaafiyat Malaakáh Tan Dr. Makxas Xabay, USAID'k Deputy Mission Directeriy, Engender Health Ciggila Saqal Kee Rakaakayak Qaafiyat Biiroh Management Makaado Adoytitiy, Axcih Inontiy, Alaaqa kee Cata Qunxaaneytih Xayrekter Gifta Macammad Qabdulkader kee Maglab Leela Edde Tengele.     Tama Cugayso Ciggiila 5 Sanatih Addat Agat caddo 35 Dacarsittoh xiina Daqaray, Baaxoh caddol 04 Rakaakayal Baxaabaxsa Le dariifal Abinal Aseleh warseenih Ta Cugayso Engender Health Koobahissol Koona Missoyna sittaluk cattimak Abbinose loonum Tama Malaakih Oyti Yascasse. Tama Cogaysok Lafa Le Hangi, Inonti kee Alaqa Raba Daggoysaanamay, Cata Qunxaaneytih Dudda Fayya Haanamaay, Qaafiyat Cubbussoh Taama Diggoysaanam Kee Aftabi Siirat Diggoosaanam Kinnim Yiysixxigen. Qaafiyat Malaak Dr. Mekxes Xaba :-Ta cugayso Elle Taamittu waytam Laqin Dariifak kinnuk Qaafiyat Langil Inonti kee Alaaqa Dalkâ Kalalih Dudda Fayya Haanamaay, xalayal caxtah Yan qabalak gexxamah Inonti Tafe aymittek Catanam kee Tonnah Sissik Raddi Yaceenim Elle Duudan cugayso Kinnim Qaddossen.

Addis Ababa Qasa-Dirrik 24, 2016 (ENA) Baaxoh addak iro fan Madqa gitak iroh yakke safar elle salcisoonu xiqan gurrittel Sayyo kee Ayyuntiino Caagiidah Malaak Dr. Ergooge Tesfaaye, Samara Jaamiqatih Perizxent Dr. Macammad Qusman kee Baadak Dabbo Caagiidah Eglah awlaytit walal gexsen. Ta walalal Itiyoppiyak Baxaabxsa le Deraafek tamaateh tani ,eddeey Tigray kee Amcari Rakaakayittek madqak iroh sinam makissa xagorti Qafar Rakaakay tabeyna abak adda gacak Yabuutiiy,yamanaak Suqud Qarabiya fan gexxa Qunxa Sayyo kee labhak qadad nabam ammagguk yemeeteemih taagah ahal kusaaqal rakuh tan taama takkuh aben sittin gey kinni. Qagitak ta walal Samara Jaamiqat baaxok gita maliinoh takke mawqa salcissu xiqta kusaq kee Fukkaaqo fanteena faktuh yaakume bici akkuk geytimam elle qaddowte.

Addis Ababa Qasa drri 23 sanat 2016 (ENA) Qafar Agatih Rakaakayih Doolatak Naharsí Saqal Cajji Awwal Qarba Saytunaane Edde Diggoysoonu Akkuk geytima Maali Gaaboysoh Gaadut Yengele. Naharsí Saqal Cajji Awwal Qarba Naharsi Malaak Dr. Abiy Acmad Qimmisiisol Agat caddol Saytunaane edde diggoysoonuh qimmiseenih yanin tama gaadut 10-alfih Birr acayuk yengele. Naharsí saqal Cajji Awwal Qarba Miraaciinu kee aggunti exxaaxi tama gaadut gaba yassagalleenimih farmo tatruse. Tah tannal anuk, Qafar Rakaakayih caddol Fayya le miraaciinuuy, Doolat taama abeenit kee ayyunti exxaaxi tama gaadut angaluk geytimaanam Qafarak Mangaffâ retteemah xaagi yascasse.

Addis Ababa, Qasa-Dirrik 23 2016 (ENA) Ityopiyak Daaran dacayroh Abbatiino Qafar Rakaakayak Qaada kee Turiizim biiro kee Samra Jaamiqat luk cattimak "Ni Daaran Baaxo daddoos kee Ayyunti manfaqatah" inta itro tu-ced gudgud gexsen. Ta gudgud yaabal fakeh yan Ityopiyak Daaran dacayroh abbatiinok Muziyeem langik Naharsi dayrekterih yan Gifta Eliyas Shukur:- Ni baaxo dacarisanah hanawisanam faxximta Daaranitte le baaxo kinnim kee mango kusaaq kee fokkaqo elle takkem dudda daran gadda lem qaddoyse.   Qaada kee Turiizim biirok Qaada luddak C/Saqal Gifta Macammad Idris iyyeemih:- Aydakaakan kaxxam faxximam kee mango ixxiga kak geyanam xiqintamih sabbata ta Aydakaakanat yangale mari hangissol katatanam faxximtam qadoyse. Tamakkel Aydakakan wagsiisa kutub elle xayyowek sarra Aydakakanat tangalo esser kee mabla elle yecenik lakal Turiizim biirok Qaada muziyeemit gufne Abak gudgud meqe gurral yumurruqem Qaada Kee Turuuzim Biiroh Oyti Yascasse.

Addis Ababa, Qasa-Dirrik 21, 2016 (ENA) Baritto Horah, Baritto Buxaaxik Rakiibo Daddoosih Maysaasak Ummattah Uguugusul 25 Ximmooy 3 Biliyoonih Birriik Daga Yakke Gadda Gaaboysaanam Xiiqimtem Baritto Malak Qaddosoe. Tama Uguugus Yayse Gurral Diggoysaanam Faxximtam, Amolladih Baritto Daddoosih Langih Malaakih Deeta Ayyelech Eshete Qaddosse. Baritto Kulliimik Rakiibo Kinnim Tescesseh Tan Gifti Ayyelech:- Baritto Siirat Tamaateh Tan Horah Takke Rakiibo Daddoosul Raat Caboonuh Digga Luk Taamitaanam Faxximtah Tanim Tiysixxige. Tahak Ugut Abak, Barittol Sugeh Yan Cooca Daylisoonu Elle Duudan Raat Cabaanam Kee Milaagu Bahaanam Faxximtam Qaddosse. Away Baritto Langil Inkih Tan Rakaakayitte Kee Magaalol Xiinissol Qimbimteh Tan Taamoomi Yayse Gurral Fayya Haak Meqe Gurral Uguugusaanam Kee Dudda L Miraaciinu Yaceenim Faxximtah Tanim Kassisse. Tama Uguugusul Inkih Tan Rakaakayitte Kee Namma Magaalah Xiinissol 25 Ximmooy 3 Biliyoonih Birriik Daga Yayyaaqe Gadda Gaaboysaanam Duudeenim Baritto Malaakih Oyti Yascasse. Baritto Langil Gexisak Geytiman, Baritto Horah, Baritto Buxaaxik Rakiibo Daddoosih Maysaasah Uguugusul, Ayyunti Barutol Leh Yan Ikoytiinih Doori Asmatal Diggposseh Tanim Qaddowte.

Addis Ababa Qasa dirrik 20 sanat 2016 (ENA) Sanat 2016 tamcawwu wayta 12 haytohaytô footimak mawqah aqayyaareh waqinaak amcawwelem Barittô malaak yiysixxige. Barittô malaak Pirofeeser Birhaanu Negga amô ladin Barittoh agaaradih gudgudul abe yaabal, 12 footimak mamarraqah aqayyaare doorime magaaloolul waqinaak aceeloonum baxxaqise. Aqayyaare inki tanuuk dudda luk waqinaak yaceenim xiiqime waytaamah, Rakaakayittek doorime magaaloolul akah tamcawwennah bicitte abeenih geytimaanam baxxaqisen. Raqtam tenek kaadu dumaak akah takkennah aqayyaare akah aceeloonum qaddoysen. Agatak aqayyaare Kee aqakkaaneh ayfaafayak Leenah xayrekterih yan Dr. Ishetu Kebbexe aqayyaare waqinaak (online) yaceenim elle xiqan bicitte tekkeh geytimtam yiysixxige. Barteenit gabbati aqayyaare akah beytannah abe loonum kassiise.

Ababa Qasa Dirrik, 18 sanat 2016 (ENA) Rakaakayak Barittô biirok Ciggilta Saqoltii Axcih Xoktoor, Muusa adam kee Gifta, Cummad Qabdalla sitta lih gacak ken harigak Samarak Nammey haytô caddoh barittoh buxaa kee Samarak Megle kibo enek hayto caddoh barittoh buxaaxit taama gufne aben. Qafar Sultaan Acmad Qaliimirac Xaylo Miraacissah tan Meqem abittoh eglaali Asaaki macsenta taama gufne edde abeenih yanin Barittoh buxaaxih bartaanaah barsaanamih gexsitih fooca fan qokol abeloonum timixxige.

Addis Ababa Qasa Dirrik 16,2016 (ENA) Baaxoh Caddol 14 addah Yassakaxxeenih yanin Afrikak Aftabi Ayyaamih Gudgud Ayyuntal Tambulluyeh tan Aftabu fanak Cabaanamih Taamoomi Raaqissuh kaxxa doori lem kinnih tanim Qaddowte . Gudgud yaabal fakeh yan Rakaakayak Qaafiyat Biirok ,Dalka kalalih langil Biirok Ciggiila saqalah yan gifta Witikka Noore Abeh yan yaabal :- Qafar Ummatta Dacarsittoh Xiiniinah Ayyunta Kinniimih Taagah Aftabu Fanak Yargiqeenimih Qaaday Tambulluyeh iyya Raqtam Faxxintah Tanim Ascassukuuy :- Ta Bisle Gudguditte Ayyuntah Hangisso Yaceenimil Kaxxa Doori leemih Taagah Kulli num Isik Qambalsintam Abam faxxintaamih Farmooy Tatruse .   Ta Gudgudul AftabibTuxxiiq kee Qaafiyat biiro Afatbul Abak Temeeteh tan taamoomi wagsiisak Bar le Kutbeyta edde Xayyowte . Ta Assakoxxih Aracalay ,Diini Abbobtiiy ,Baaxoh idoolay,Qunxaaneytaa ,Sayyo kee Caagiida Wagitta Maglableela Eddey Tengele .

Addis Ababa Qasa drrik 16 sanat 2016 (ENA) Addis Ababah magaalah xiinissok Addis Katamah magaalah footimak 12 haytô Daqaarak baxsa le migaaqah Teero Magid migaq le aracal buxa qari gufte qawwalayalat dagnal 7 num rabe.   Ta magaalah footimak taama gexsey tan gifti Ayda Awwal elle tescessennal, Xisol geytima cankâ qarit toofeh tan diglo qawwalayala darret tan buxal abeh yan radimih 7 yakke marih qawwaddi edde yawqem FBC tiysixxige. Break dibrô bar 11 saaqatah tekkeh tan ta qawwalayalat 7 yakke marih qawwaddi yewqem magaala footimak taama gexseh gifti Ayda Awwal qaddosse.

Addis Ababa, Qasa-Darrik 10, 2016 (ENA) Hararih Rakaakayal Hamarreessal Geytimta Qaada Fanteenah Gasol Qafarak Qaada Qari Elle Xiseloonum Qaddowte. Hararih Rakaakayak Qaadaay, Daaran Kee Turuuzim Biiro Kaaduk, Qaada Qarwah Xisneh Yakke Arac Qafarak Qaada Kee Turuuzim Biiroh Tabsen. Harari Rakaakayak Qaadaay, Daaran Kee Turuuzim Biiroh Saqal Gifta Teweleda Qabdosh Tama Araca Tabseh Yan Uddur Elle Qaddoosennal:- Harari Baxaabaxsa Le Agataay Agattiina Kee Ummatta Salaamaay, Sitta Alluk ALliyya Kee Inkiino Magaala Kinnim Qaddoose.   Inkiinok Ceelallok Tan Hararih Magaala, Cuggaane Rakaakayittek Qaada Fanteenit Akah Xissimtannah Abak, Tama Sitta Luk Alliyyi Gexso Akah Diggowtannah Abelem Yescesse. Aham Kaaduk, Inki Mari Gersi Marih Qaada Meqennal Akah Yaaxigen Inna Kee Toobokiini Fayya Le Caddol Akah Maqarrowtannah Kaxxa Doori Allelem Yiysixxige. Qafar Rakaakayak Qaada Kee Turuuzim Biiroh Saqal Gifta Acmad Qabdulkadir Is Le Katuk:- Qaada Qari Elle Xisan Arac Harigeenih Yaniinim Ascassuuk:- Fooca Fan Qafarak Qaada Qarwa Xayi Udduurih Addat Xisak Ummatta Fanal Yan Sitta Luk Alliyya Kee Fantaaxaw Yayse Gurral Diggoselem Qaddoose Tama Pirojekti A Mizaaniyyat Liggidat Gabak Akak Kaloonuh Taddeera akah Yibbixeenih Geytimaanam Yiysixxigem Hararih Rakakaayak Doolat Angaarawih Kutbeh Buxah Oyti Yascasse.

Addis Ababa Qasa-Dirrik 9/2016(ENA):-Baaxok Waar Le Salaam Kee Inkiinoh Digga Luk Siitallih Macallam Faxximtah Tanim Diini Missoynaanih Abbobtiiy Kassisse. Saay Kee Salaam Caagidiiy Baaxô Muddaqiino Kee Ayyuntak Manô Caabi Kinniimih Taagah Kulli Marih Macal Kee Qokol Faxxam Kinnih Tanimiiy Tamixxige. Salaam Kee Daddosuuy,Meqe Mablaa Kee Adabi Leh Tan Hora Ginnimtuh Diini Abbobti Kaxxa Doori Leh Yaniimitiiy Yaaben. Ta Caagidil ENA Yaabisseh Tan Baxaabaxsa Le Diinih Abbobti Elle Qaddosseh Tan Innalaay Saay Kee Salaam Caagidil Inki Mabla Kee Fayxi Tanim Faxximtah Tanimiiy Qaddoysen.   Waar Le Salaam Kee Daddos Daabimuh Yakkeh Yan Macalat Ayyunti Gabat Agle Tanim Faxximtah Tanim Qagitakaay Yescessen. Itiyopiyak Islaaminnah Caagiidah Malah Buxah Perezixantih Yan Cajji Ibraahiim Tuufaay Salaam Caagid Kulliimik Ukummooy,Qimbo Kinniimih Taagah Inkih Kah Macallam Faxximtah Tanimiiy Kassiise. Salaam Darroqootek Mango Taqabitte Kataytah Tanim Kee Tahih Ceelalloh Salaam Elle Darraqooteh Yan Baaxooxa Nablem Faxximtah Tanim Cajji Ibraahiim Tuufaay Qaddoyse.   Baxsa Luk Kaaduuy Diini Abbobtiiy Salaam Caagid Kulli Ayroh Abinaa Kee Baritto Abaanam Faxximtah Yaniimitiiy Yaabe. Islaaminnâ Diiniiy Toobokiinuuy, Inkittinaaneey,Salaam Kee Binaadamiinô Caagiidah Kaxxa Arac Yaceh Yanim Qaddoysakaay Islaaminnâ Diinih Caddol Ta Abinitte Diggoosak Gexoonu Waanah Yaniinimitiiy Yaabe. Itiyopiyak Ortoxookis Diinik Qhixxisti Tsellaaseh Yaamiqatak C/Perezixantih Yan Liiqh Aeleef Kiises Iyyaahu Naahu Sannayaay Baaxô Salaamah Kulli Marih Macal Faxxiimah Yanimiiy Yiysixxige. Baxsa Luk Away Baaxô Caddol Tanih Tan Taqabitte Missowtuh Ortoxookis Betekerestiyaan Dudda Haynaamal Macle Leh Tanimiiy Kassiise. Tonnah Kaaduuy Itiyopiyak Katoliik Diinik Liiqh Pappats Karxinaal Birhaanu Iyyasusuuy, Baaxô Saay Kee Salaamah Kallacnam Kee Barisnam Nhiritteh Nabbixem Faxximtah Tanimiiy,Kassiise.   Baaxok Baxaabaxsa Le Dariifal Tanih Tan Taqabitte Walalal Tanfiddigem Faxximtah Tanim Kee Tah Abbinowtuh Diini Abbobti Macaltam Faxximtamaay Kassiise. Itiyopiyak Katoliik Diinih Abbobtiiy Baaxô Saay Kee Salaamah Macatah Tanim Qagitaakaay Kassiise. Baaxô Caddol Tanih Tan Boodittee Kee Taqabitte Taqabik Sah Calli Alle Waytaamih Taagah Baar Cubbusak Walalal Yafdigeenim Faxximtah Tanim Dinni Abbobti Farmoohuuy Tatrusse.