Afrikak Tellemmo Daddoosih Forem Afrikah Murtitte Baad Qadaagal Leh Tan Qalayli Dadalu Kee Tellemmô Tabaatabsi Baarimuh Kaxxa Doori Le – Yasmiin Wahhaabirabbi - ENA Qafar Afa
Afrikak Tellemmo Daddoosih Forem Afrikah Murtitte Baad Qadaagal Leh Tan Qalayli Dadalu Kee Tellemmô Tabaatabsi Baarimuh Kaxxa Doori Le – Yasmiin Wahhaabirabbi
Addis Ababa Naharsi-Kudok 11/2019 (ENA) Addis Ababal Gexsitu Waah Yan Afrikak Tellemmo Daddoosih Forem Afrikah Murtitte Baad Qadaagal Leh Tan Qalayli Dadalu Kee Tellemmô Tabaatabsi Baarimuh Kaxxa Doori Leh Tanim Tellemmo Kee Dariifâ Fantaaxawih Malaak Yasmiin Wahhaabirabbi Qaddossem.
Afrikah Baaxooxa Tellmmo Qalalyli Dadlisoonuuy, Murtittek Mexxat Kee Caddo Fayya Hoonuuy, Qaranguba Qadaaga Fantaaxaw Maqarrosyoonuh Afrikak Tellmmo Daddoosih Forem Naharsi-Kudok14-15 Fan 2019 Liggidah Addis Ababal Gexsitelem.
Tellemmo Kee Dariifâ Fantaaxawih Malaak Kee Tirex Marki Afrikah Qokolul Missoweh Yan Forem Addis Ababal Namma Ayroh Gexsitelem.
Tellemmo Kee Dariifâ Fantaaxawih Malaak Yasmiin Wahhaabirabbi Teceh Tan Maybalaalaqal Ta Foremilk 300uk Dagah Fayyale Margaqa Tace Dagortiiy, Afrikah Baaxooxak Tellemmo Maloktiiy, Qaranguba Kee Dariifa Fantenaanih Saqoltiiy Gaddaloola Kee Cankah Exaaxih Awlaytit Edde Anaglelem Qaddossem.
Ta Forem Afrikah Murtitte Baad Qadaagal Leh Tan Qalayli Dadalu Kee Tellemmo Tabaatabsi Baarimuh Kaxxa Doori Leh Yanim Tescessem.
Tirex Markik Afrikak Leenah Taama Gexse Xevix Bir Cugayso A.L.L 2010ak 23 Fan Afrikah Baaxooxak Tellemmo Siirat Yaysissikuuy, Awqenta Kee Culenti Daggoowuh Doolatitte Kee Cankah Exxaaaxilluk Gacak Taamitak Geytimaanam Qaddoysem.