Addis Ababa Wacaysirik Leenah Wadbeena Abtam Xiqsissa Xalule Taamoomi Akkuk Geytimta. - ENA Qafar Afa
Addis Ababa Wacaysirik Leenah Wadbeena Abtam Xiqsissa Xalule Taamoomi Akkuk Geytimta.
Addis Ababa Naharsi-Kudok 10/2019 (ENA) Addis Ababa Wacaysir Abeenit Tabeena Hinnay, Leenah Wadbeena Abtam Xiqsissa Xalule Taamoomi Akkuk Geytimtam Addis Ababa Turiizim Biiroh Saqal Caftay G/Egzaabeher Qaddoysem.
Inki Booluuk Muxxih Adoytit Tabbixeh Tan Addis Ababah Gufne Absiseenit Xissimtem.
Ta Aracal Gifta Caftay G/Egzaabeher Magaalal Xissimteh Tan Koriixer Kee Daqar Qaxi Daddoosuuy, Tonnah Kaadu Qusba Wacaysir Wadbeenaani Addis Ababa Baadak Doorole Wacaysir Konferesnih Fanteena Takkuh Kaxxa Dudda Ginak Geytimtam Qaddoysem.
Wacaysir Abeenit Ruffa Haytu Kee Sugaanah Yanin Uddur Yayxeroonuh Qasri Teknoloojih Daddos Kee Daaranittek Taturak Ayfaafay Mexxat Kee Wacaysir Absiseenit Mexxat Faxxiimah Yanim Yescessem.
Qusbih Xissimteh Tan Egla Meqem Kabanaay, Mihrat Cerfat Kee Qasri Teknoloojih Maqarroysak Barritimte Wacaysri Aroocak Kalah Maaqiddaay, Fanni Kee Konfernesih Turiizim Baarisak Magaalak Turiizim Doorit Kah Baarimannah Kassiisem.