Itiyoppiya Abak Geytimta COP32 Bica Kee Baad Caddoh Mantaabba!

 

Itiyoppiya A.L.L. 2025uh Biraazilil Gexsitteh Tan 30heele Galli Maroh Eglak Rosqa Milaagih Koboxul (COP30) COP32 Kobox Arcibissuh Doorimtem Tamixxigem.

Cop32 A.L.L 2027 Ih Addis Ababal Gexsitele.


 

Itiyoppiya Baad Caddol Gexekalit Yekkeh Geytima Rosqâ Milaagih Taqabit Sittallih Koysitoonuh Baxabxsale Baaxoxa Sittallih Edde Walalak Fidgah Afkanitte Elle Daffesan Galli Maroh Eglak Rosqâ Milaagih Koboxih Daffeyna Turkik Antaliyah Magaalal Gexsitak Geytimta.

Itiyoppiya Anxaxin Raatih Taddera Kee Yaqusbusen Caylih Daddos Kee Dariifa Dacayrih Taamomil Geysisse Assakatitte Baadah Baxxaqisak Geytimta.


 

Anxaxin Raatih Tadderal 56 Milliyonih Coox Daabisak Baaxok Baxabxsale Dariifal Dariifa Dacayri Kee Baaxo Qagitak Akah Tanuwuyennal Baahe Milaagi Garbo Tambaggemik Kalah Ballaqe Akah Gexewaytannay,Lee Gaddat Yantifiqenimiy,Tonnah Mangoh Tan Roocile Cewanitteh Rooci Akah Kalalan Innal Geytime Xaloot Kaxxa Caddo Lem Baadah Abak Raagah Xayyosen.

Tabisluk Itiyoppiya Saytun Elmoh Dudda Baarisak Anxaxin Qidaddoh Dadalal Rakiibo Daffesak Geytimta.


 

Kooran Caylih Luddal Lubak Doori Le Yaqusbusen Caylih Raceena Geytimta Kee Tamaha Haydiro,Silaytuuy,Ayro Kee Geo Termal Caylih Dudda Dadlisaanamak Kalah Buubah Yan Gaazih Fayxil Rekuh Tan Fayxi Akah Daggosan Innal Kaxxa Cato Le.

Tahak Kalah Kooran Caylal Taamitta Makaayin Akah Tambaggennah Abak Magaala Daddos Baarisak Sarrimaanele Buqre Siirat Dadlisak Gino Gaddittet Elle Faxximtannal Yantifiqenimiy Hawa Milaagih Steratejit Diggossa Daddos Afkanitte Kinni.

31 Heelel Kobox Itiyoppiya Ciggila Sanatah Addis Ababal Arcibissuwayta Cop 32 Koboxul Faxximtuwayta Abak Raagitte Elle Geyta Gudgud Yekke.

Tahala Itiyoppiya Abtah Tan Gabat Agle Rosqâ Milaagih Tabit Koysittuh Itiyoppiya Abak Geytimtah Tan Gabbatitte Yaysexexegenimik Kalah Cop 32 Tuxxqi Le Gabbatitte Elle Geyak Fantaxaw Akah Diggossannah Kaxxa Cato Akak Geyte.

Baxbxsale Baad Exxaxi Sittallih Gacak Gexissa Walalitte Rosqâ Milaagih Faynansiy,Teknologih Tabtabsay,Duddi Gablusiyya Kee Sittallih Aban Daddos Cugaysoosah Fantaxawittel Kaxxa Saami Gina.

Naharsi Malaak Abiyyi Acmad (PhD) Naharal Elle Ta Caagid Kobahissa Makaado Lih 80 Alfiik Daga Yakke Qibina Arcibissam Dudda Hotelittey,Merraytittey,Amniiy,Qaafiyat Affaih Mattaco Maca Celtam Kusaaqise.

Tahak Uguta Abak Kop 31 Tumbulle Coocitte Meexak Ciggilak Itiyoppiyal Gexsittuwata Cop 32 Kobox Assakatah Kaxxa Caddo Lemi Kassise.

Tahak Ugut Abak Cop 32 Kobx Doolat Dibuk Wagita Caagid Akke Sinniy Inkih Tan Ummattah Gabat Agle Essera Caagid Kinnuk Kulli Affaf Taceh Tan Affaf Fantenaani Baxsaluk Hotel Kee Turuzimiy,Merrayti Ludday, Qunxaaneytay Sivil Ayyuntih Exxai Inkh Isinni Dirkik Akak Tawqem Faxximta Caagid Kinnim Yescessen.

#Itiyoppiya #COP32_Ityioppiya #COP31 #COP32

Ithioppiyak Xaagi Ayfaafayih Missoyna
2016