Itiyoppiya Taturte Sanootat Abteh Tan Xalule Taamoomal Baaxoh Addah Dayli Xayyos Dadlissam Xiqte.

 

Addis Ababa Naharsi-Kudok 8/2019 (ENA) Itiyoppiya Taturte Sanoott Abteh Tan Xalule Taamoomal Baaxoh Addah Dayli Xayyos Dadlissam Xiqteh Tanim Qaafiyat Malaak Dr Meqhxes Xaaba Qaddossem.


 

19heele Baad Caddoh Dayli Xayyoosih Fantaaxwih Kobox Addis Ababah Magaalal Gexsitak Geytimam.

Qaafiyat Malaak Dr Meqhxes Xaaba Ta Koboxih Fakkental Tatrusseh Tan Farmol Itiyoppiya Qaafiyat Exxal Xalule Taama Abak Geytimtam Tescessem.

Ta Xalule Taama Qaafiyat Fantenaanih Rakiibo Daddoosih Guddossuy, Qaafiyat Mansoofaay, Dayli Xayyos Kee Mihratleela Duddih Gablusso Kinnih Tanim Qaddossem.

Tonnah Kaadu Qaafoiyat Ayfaafayih Mattaco Qasriino Fan Korissa Teknoloojih Siiratitteh Guddos Yaysiseenimil Macal Akkuk Geytimam Tescessem.

Tahal Itiyoppiya Affar Sanatat Dubuh Baaxoh Addah Dayli Xayyos Boolul 8 Gabaak 44 Gaba Fan Dadlisseh Taniimit Yabtem.

Tah Afrika 2040 A.L.L Boolul 60 Gaba Dayli Xayyoosul Isi Duddal Aliftuh Yakkeh Yan Macalah Rakiibo Akkelem Qaddossem.

Ithioppiyak Xaagi Ayfaafayih Missoyna
2016