Iiyoppiya Taturte Sanootat Salaam Dacrisaanamal Baad Kee Dariif  Salaam Leh Tan Garuq Abinah Tuybulle. - ENA Qafar Afa
Iiyoppiya Taturte Sanootat Salaam Dacrisaanamal Baad Kee Dariif  Salaam Leh Tan Garuq Abinah Tuybulle.
Addis Ababa Naharsi-Kudok 8/2019 (ENA) Itiyoppiya Taturte Sanootat Salaam Dacrisaanamih Taamat Angaluk Baad Caddo Kee Dariif  Salaam Kee Amni Leh Tan Garuq Abinah Tuybulleh Tanim IFEDRik Kalali Qandek Loojistiksik Leenah Miracsentih Saqal Letenal Jeneral Qabdurracman Ismaaqil Qaddoysem.
Itiyoppiya Salaam Dacrisaanamih Exxal Baad Kee Dariifa Salaam Dacrisaanamal Taturte Sanootah Isi Doorik Awquk Temeetem Yescessem.
IFEDRik Baad Caddoh Salaam Dacrisiyyih Aydakaakanih Fanteena Kee Itiyoppiyak Agatak Kalali Qandeh Kolleji Sittalluk Missoysen Gudgudul Itiyoppiya Baad Siiratih Milaagu Kee Mango Exxah Qokol Boolassa Tekkookal Salaam Dacrisaanamal Isi Doorik Foocah Elle Haytah Tan Makcaggur Wagittaamal Walal Gexsen.
Letenal Jeneral Qabdurracman Ismaaqil Ta Aracal Elle Qaddoysennal Itiyoppiya Kuuriyah Qeebik Qimbisak Salaam Dacrisaanamal Xer Aydaadule Baaxo Kinniimih Taagah Tah Baad Caddo Kee Dariifâ Salaam Kee Amnih Leh Tan Garuq Taybullem Kinnim Qaddoysem.
IFEDRik Baad Caddoh Salaam Dacrisiyyih Fanteenah Amrise Birgaader Jeneral Gezzahagn Fiqhadu Itiyoppiya Taturte Malcina Tabanih Sanootat 180alfiik Dagah Salaam Dacrissa Qande Baxaabaxsale Baxooxa Fan Rubteh Tanim Baxxaqsem.
Ta Qande Baxaabaxsale Baxooxal Salaam Diggoowuh Kaxxa Macal Abak Temeeteh Tanim Yescessem.
Itiyoppiyak Agatak Kalali Qandeh Kollejih Amriseh Awlaytu Seraw Xemas (Phd) Itiyoppiya Baxaabaxsale Baxooxa Fan Qande Ruubak Baad Caddo Kee Dariifâ Salaam Diggoowuh Kaxxa Doori Digirtem Qaddoysem.