Baddi Furda Itiyoppiyah Muddaqiinooy, Daddos kee Amnih Faxxiima Caagid Kinni.

 

Addis Ababa Naharsi-Kudok 7/2019 (ENA) Baddi Furda Itiyoppiyah Muddaqiinooy, Daddos kee Amnih Faxxiima Caagid Kinnim Nayil kee Qasa Badih Makcaggur Foremih Taama Gexse Gifta Selemon Teferra Qaddoysem.

NabaBaaxooy, NabaAyyuntaay, XerMabla

Nayil kee Qasa Badih Makcaggur Foremih Taama Gexse Gifta Selemon Teferra Itiyoppiyak Xaagi Raceenallih Luk Sugeh Yan Udduurul Baddi Furda Geytam Itiyoppiyah Muddaqiino kee Amnih Caagid Kinnim Yescessem.

Away Yanih Yan Baad Caddoh Siyaasâ Milaallaagimiyyal Itiyoppiyah Baddi Furdah Essero Kaxxaam Faxxiima Essero Kinnim Qaddoysem.

Qasa Badih Dariifa Baad Caddoh Tellemmo Tabeenak Taturak Saay kee Dariifâ Siyaasah Addat Geytimam Yescessem.

Itiyoppiyah Gabat Agle Ane Waytek Qasa Badih Amni Daabimam Xiqqiime Sinnim Diggoysem.

Taturte Udduural Itiyoppiya Qasa Bad Isih Kah Faxxannah Awayih Uddur Qasa Bad Isi Amnih Itiyoppiya Edde Faxa Caalat Ginniimeh Yanim Baxxaqsem.

Itiyoppiya Baddi Furda Elle Wayteh Tan Gexsit Baad Ganuunul, Aydaadul Takku Dariifâ Siyaasah Oggol Leh Tan Ganuun Rakiibo Alle Sinnih Tanim Kassiisem.

Tohih Taagah Ta Aydaaduuy, Dariifâ Siyaasa kee Amnih Numma Baarluk Kusaaqisak Baad Caddoh Ayyunta Qaduuk Yaysixxigeenim Maqarroysaanm Faxximtam Diggoysem.

Ithioppiyak Xaagi Ayfaafayih Missoyna
2016