Qikkibow Doolat Isportih Exxah Yeceh Yan Baxsale Hangil Itiyoppiya Baad Caddoh Gudgudul Mayso Diggoosak Gexele.

Addis Ababa Naharsi-Kudok 5/2019 (ENA) Qikkibow Doolat Isportih Exxah Yeceh Yan Baxsale Hangil Itiyoppiya Baad Caddoh Gudgudul Mayso Diggoosak Gexelem Qunxaaneyta kee Isportih Malaak Akliilu Taxxese (PhD) Qaddoysem. 

 

Senegaalak Xakaral 2026 Baad Caddoh Qunxaaneyti Olompiikil Qalaylit Tengele Atleetikis Erga Asaaku Addis Ababa Culen. 

 

Erga Booleh Taayirah Booxa Gufen Way Qunxaaneyta kee Isportih Malaak Akliilu Taxxese (PhD), Edde Anuk Baxaabaxsale Taamâ Saqoltiiy, Komishinerwa kee Gersi Seeco Kah Aben Elle Geytimem. 

 

Akliilu Taxxese (PhD) Ta Aracal Elle Qaddoysennal Xakaral Gexsitte Qunxaaneyti Olompiik Qalaylil Itiyoppiya Atleetiksiiy, Saykiliiy, Leê Giiru kee Tekwanxo Isportih Qaynatittel Edde Yengelem. 

 

Ta Qalaylil Itiyoppiya Koona Dahab kee Sidiica Lakqooy, Sittat Bacra Mexaaliya Orbissem. 

 

Qikkibow Doolat Isportih Exxah Yeceh Yan Baxsale Hangil Itiyoppiya Baad Caddoh Megleelimal Mayso Diggoosak Gexelem Yescessem.