Itiyoppiya, Turkiyyelluk Leh Tan Aydaadule Fantaaxaw Investiemnti Kee Baad Caddoh Gudgudittel Maqarrossuh Garuqluk Taamitelem Qaddoysen.

 

Addis Ababa Naharsi-Kudok (ENA) Itiyoppiya, Turkiyyelluk Leh Tan Aydaadule Fantaaxaw Investiemnti Kee Baad Caddoh Gudgudittel Maqarrossuh Garuqluk Taamitelem Afah Caagiidah Malaakaay, COP32 Perezxanti Geexiyon Timootiyos (Phd) Qaddoysem.

31heele Galli Amroh Eglak Rosqa Milaagih Kobox (COP31) Turkiyyek Antaaliyal Gexsitak Geytimam.

Afah Caagiidah Malaakaay, COP32 Perezxanti Geexiyon Timootiyos (Phd) Ta Koboxuk Gambit TRT Luk Sugeh Yan Udduurul Itiyoppiya, Turkiyyelluk Leh Tan Aydaadule Maqarle Xiplomaasih Fantaaxaw Fayyale Caddo Fanah Fayya Hoonuh Taamiteloonum Yescessem.

Turkiyyeh Cankâ Gaddaloola Itiyoppiyal Dadalak Temeete Qidaddot Gabat Agle Haysitoonuh Seeco Tatrusem.

Namma Baaxoh Fantaaxw Mirocti Caddol Dubuh Hinnay Ayyunti Fanal Raage Qalla Leh Tanim Qaddoysem.

Turkiyyeh Kambaanitte Abak Raag Kee Dudda Elle Le Ayfaafayaay, Sanaaqatta Kee Xisneh Exxaaxil Itiyoppiyal Yanbulleh Yan Qidaddô Dadalat Gabat Agle Haysitaanam Faxximtam Yescessem.