Itiyoppiya kee Chayna Makcagguruk Yan Qokol Maqarroysoonuh Taamiteloonum Qaddoysen. - ENA Qafar Afa
Itiyoppiya kee Chayna Makcagguruk Yan Qokol Maqarroysoonuh Taamiteloonum Qaddoysen.
Addis Ababa Naharsi-Kudok 3/2019 (ENA) Itiyoppiya kee Chayna Loonuh Yanin Makcagguruk Yan Yasgalle Qokol Maqarroysoonuh Taamiteloonum Qaddoysen.
Leedah Missoynak Ciggiila Perezxantiiy Leenah Kutbeh Buxah Saqal Gifta Adam Faarac Itiyoppiyal Yan Chaynah Ambaasadder Chen Hey Leedah Missoynah Maktabal Arcibisak Walalisem.
Ta Walalal Gifta Adam Faarac Elle Qaddoysennal Itiyoppiya kee Chaynah Fanal Daboonah Yan Kataysiinu kee Yasgalle Makcagguruk Yan Siyaasaay, Qidaddo kee Daddos Exxaaxil Loonuh Yanin Qokol Baarisaanam Xiqsissa Caagiidal Walalen.
Ta Fantaaxaw Baxsaluk Daddos Exxaaxil Loonuh Yanin Qokol Baarisoonuh Rakiibo Takkem Kinnim Yescessen.
Ambaasadder Chen Hey Leedah Missoyna Itiyoppiyal Tasgalle Leedaay, Agat Daddos kee Fantenaani Tabaatabsa Abbinoysoonuh Yakke Macal Yossokooteh Yanim Qaddoysem.
Baxsaluk 7heele Amolladi Dooro Xalul Gaba Kalteemiiy, Algin Raatih Taddeeraay, Agat Mabbalowih Gexsitiiy, 32 Galli Maroh Eglak Rosqâ Milaagih Kobox(COP32) Akkuk Geytimah Yan Bica kee Afrikak Siyaasâ Missoynaani Kobox Addis Ababal Xalul Gexsittem Baxsaluk Ugsem.
