Agat Kee Agattiinah Ummattah Ayro Agat Sittingey Maqarroowuh Kaxxa Doori Le.

 

Addis Ababa Naharsi-Kudok 3/2019(ENA) Agat Kee Agattiinah Ummattah Ayro Agat Sittingey Maqarroosak Dadalte Itiyoppiya Xissimtuh Kaxxa Doori Leh Tanim Federshin Malah Buxak Ciggiila Caxah Afteena Xesta Lexaamo Qaddoysem.

21heele Agat Kee Agattiinah Ummattah Ayro” Mangantiinat Billimteeh, Mabblowul Diggoowak Dadalte Itiyoppiya” Inta Itrol Naharsi-Kudok 29/2019 E.L.L Oromiyah Rakaakayak Jimmah Magaalal Assakaxxelon.

 

Federeshin Malah Buxa Asanatih Itro Yasgalle Xagana Kinnim Macsabat Haak Sittaliinoh Ikraaro Kee Hangisso Ginam Xiqsissa Itrô Makeelisso Kee Angaaraw Makcaggurih Walal Gudgud Missossem.

Federeshin Malah Buxak Ciggiila Caxah Afteena Xesta Lexaamo Ta Aracal Elle Qaddoysennal Itiyoppiyak Agat Kee Agattiinah Ummattah Ayro Sittaliino Maqarrossah Tanim Qaddoysem.

 

Tahat Ossotinah Itiyoppiya Kobxissa Daalisoh Xinse Maqarrowtu Kee Qokolul Dadalte Baaxo Xissimtuh Xiqsissam Yescessem.

Federeshin Malah Buxa Missosse Itrô Mekeelisso Kee Angaaraw Makcaggurih Gudgud Mangaafa Retteemaami Kee Angaaraw Exxaaxih Mihratleelah Tucced Yakkem Xiqah Yanim Qaddoysen.