Naharsi Malaak Abiyyi Acmad (Phd) Farmo

 

Turkih Doolat Kee Ummatta Neh Abteh Tan Oggoluuy, Tonnah Kaadu Agaarad Miraacissah Tan Awustiraaliyah Kulsale Gadda Gacsa.

Itiyoppiya Rosqa Milaagih Maaqattaay, Ayyunti Ayrook Ayroh Manoh Maysaasaay, Xiqaanmaih Dudda Maqarroysanaam Kee Geytimte Daddos Xalitte Sarriino Bahsisaanam Kaxxaam Faxximta Qidaddo Pooliisik Exxak Teena Kinni.

 

Qikkibow Falasfat Miracsimak, Algin Raatih Taddeeral Taham Fan 56biiliyeeniik Dagah Cooxa Daabisnam Xiqneh Nanim Kee Tonnah Kaadu Asqassabe Caylaih Daddoosuuy, Sarriinole Magaala Xisne Kee Rosqa Milaagulluk Gexxa Fidgaagi Baarluk Dadlisak Geytimna.

Away Xaganak Taturak Sissikuk Abnisso Maaqatta Fanah Cullam Faxximta Taham Sahlinuk Abbinosnuh Rosqâ Milaagih Maaliyyay Maqarle Naharal Elle Taakumeh Takkaawissoh Siirititte Kee Taqabitteh Addat Yan Ayyuntah Duddi Gablusiyyeh Qokol Abak Fayyaleh Gurral Inevstementi Abbinoosanam Faxximta.

Itiyoppiya Tamaate COP32 Perezxantiino Tabissah Tan Way Aakam Kah Nace Caagiidah Aakam Cayuk Beynuh Waynah Nan Way, Sereegala Le Xali Geytimuh COP31ih Perezxantilluk Xaynal Taamitenno. Tonnah Kaadu Inkih Yan Baad COP32 Koboxuh Tookome Baaxo Itiyoppiyal Arcibisnuh Bical Nan.