Itiyoppiyah Mayso - Agiirâ Raat Baad Megleelimal

 

Itiyoppiyah Atleetwa Baad Caddoh Gudgudul Geysiisaanah Yanin Mayso Mexaaliyak Taturak Nabah Yan Agat Maqna Le. Ta Mayso Ayyunti Inkiino Maqarrossaah, Aydaadi Fantaaxaw Tasqassubeeh, Curriinoh Asta Akkuk Tayfoofe Agiirini Ceelallo Kinni.

Atleetwa Elle Caboh Akattal Taturak Mayso Orbisan Way Itiyoppiyah Simil Fayya Haan Way Itiyoppiyah Xayloh Tantaabbeh Tan Farcat Cuso Isportih Mayso Dubuh Hinnay Baaxo Kacanuuy, Xiiq Kee Ikoytiini Daabissoh Nabah Tan Agat Raat Kinni.

Itiyoppiyah Atleetwa Ta Mayso Agiira Kee Xiiq Aydaadu Horak Horal Tabisaanmaih Caddol Foyrot Doori Lon.

Abbebe Biqhiila Room Olompiikil Ibqasih Arduk Dahab Geysiise Way, Afrikah Xayloh Kunnabna Kee Mayso Baadah Bissiiraata Tekke Aydaadi Tekkoy Kulli Kassitto Takke Kinni.

Ta Mayso Hirigte Hyle Sillase Kee Qhenenisa Beqhqhele Innah Tan Atleetwa Xiiq Kee Diggale Niyal Itiyoppiyah Migaq Baadal Fayya Haytem.

Ta Agiira Ardah Aydaadul Yeysen Way Baaxo Kee Ayyunti Kunnabna Kee Garuqle Niyal Haysitak Kinni.

Sayyo Geysisseh Tan Mayso Baaxo Migaq Secsisaanamak Taturak Sayyo Dudda Kee Maqar Baadal Tuybulleeh, Aydaadu Bicisse Atleetwah Baaxo Kinni Itiyoppiya.

Ta Sayyok Xerart Tullu Barsiloonah Olopiikil Geysisseh Tan Ayadaadi Mayso Itiyoppiyah Dubuh Hinnay, Amolladih Afrikah Sayyoh Qimbo Olopiik Dahab Kee Kunnabnah Raceena Tekke.

Ta Gita Katayak Faatuma Rooba Maratoonuuy, Tonnah Kaadu Tirunesh Xibaaba Kee Meserret Xeffar Nabh Tan Gudgudittel Qagaaqagitak Aysuk, Baxo Kacanu Foocah Mannal Beyaanam Abinah Yuybullen.

Cankah Agiirinnak Taturak, Atleetwah Astak Yanih Yan Baad Megleelimal Anxaxin Weeqaytul Kah Seecan Butta Taamal Maqarle Egla Kee Inkiinoh Ceelallo Kinni.

Ta Atleetwa Booxal Inkiinol Sitta Qokolak, Yawqoonuh Sittalih Gacak, Miliyeeittle Loowimta Baaxo Xaylo Sittalih Awquk Biliyeenittel Loowimta Coox Elle Daabisen Algin Gudgudih Raatat Saanih Fantaaxaw Le.

Namm Caagid Tatrusah Yan Farmo Inki Farmo Kinni.

Itiyoppiyah Xaylo Inki Kalbi Haysitak Geytimtam Xiqta Mayso Nabah Yan Aydaadi Xalu Kee Raat Taybulle.

Dumaak Taway Fan Itiyoppiyah Atleetwa Qambal Kee Xuuqul Yuktuben Agiirinni Aydaadi Kulli way Kassitan Sumqata Kinni.