Sittaliinô Xongolo Maqarroysak, Afrikah Magaloolih Fayxiiy, Maaliyyah Guddos Kee Teknoloojih Qokol Dadlisenno-Magaala Xiinissoh Saqla Gifti Axaanech Abebe - ENA Qafar Afa
Sittaliinô Xongolo Maqarroysak, Afrikah Magaloolih Fayxiiy, Maaliyyah Guddos Kee Teknoloojih Qokol Dadlisenno-Magaala Xiinissoh Saqla Gifti Axaanech Abebe
Addis Ababa Naharsi-Kudok 1/2019 (ENA) Sittaliino Xongolo Maqarroysak, Afrikah Magaloolih Fayxiiy, Maaliyyah Guddos Kee Teknoloojih Qokol Dadliseloonum Addis Ababah Magaalah Xiinissoh Saqla Gifti Axaanech Abebe Qaddossem.
31heele Galli Maroh Eglak Rosqa Milaagih Kobox (COP31) Terkiyyek Antaliyal Gexsitak Geytimam.
Magaala Xiinissoh Saqla Gifti Axaanech Abebe Ayyuntiino Retteemah Guubul Tatrusseh Tan Farmol COP31 Koboxuk Gambit Antaliyal Afrikak Daddos Bankik Rosqa Milaagih Xayrekter Antoni Okon Niyongiiy, Global Covenant Of Mayors Ambaasadder Kee Paarisik Dumaahih Magaala Xiinissoh Saqal An Hidalgolluk Angoorowuk Addis Ababak Rosqa Milaagu Kee Magaala Daddoosih Caagiidal Walaleenih Yaniinim Qaddossem.
Baxsaluk Rosqa Milaagul Maaliyyal Saanih Magaalol Gudduysanamaay, Cugaysoosa Bica Kee Anisso Duddaa Dadlisaanam Kee Magaalah Caddol Akkuk Geytimta Daddoos A Bak Raag Tabaatabsa Elle Xiqan Qokol Caagiidal Sittingey Abeneih Yaniinim Tescessem.
Addis Ababa CIOP32 Arcibissah Tan Magaala Kinniimih Taagah Afrikah Magaalooluk Rosqa Milaaguh Aakam Cayuk, Maaliyyah Fayxi Kee Daddos Ajenxa Inki Xongolol Baadah Xayyoosaanam Elle Xiqan Gudguditte Ginoonuh Saami Leh Tanim Qaddossem.
Magaala Xiinissoh Saqla Sittaliinô Xongolo Maqarroysak, Afrikah Magaloolih Fayxiiy, Maaliyyah Guddos Kee Teknoloojih Qokol Dadliseloonum Tescesem.
