Itiyoppiya Baad Caddoh Rosqâ Milaagih Qokolul Boolatteh Tan Mabla Qagitaak Kah Diggowtanah Hangi Kah Cayuk Geytimta-Geexiyon Timootiyos (PhD)

 

Addis Ababa Naharsi-Kudok 1/2019 (ENA) Itiyoppiya Baad Caddoh Rosqâ Milaagih Qokolul Boolatte Mabla Qagitaak Kah Diggowtannah Hangi Kah Cayuk Taamitelem Geexiyon Timootiyos (PhD) Qaddoysem.

Rosqâ Milaagih Hadaf Arac Xaguh Maaliyyah Xayyos Qadliino Yaallem Faxximtam Qaddoysem.

31heele Galli Maroh Eglak Rposqa Milaagih Kobox (COP31) Terkiyyek Antaliyal Gexsitak Geytimam.

“Sarriinole Gexso Diggale Qadliino Edde Daabimta Dabaana” Inta Itrol Gexsitak Geytimtam.

Ta Koboxut Itiyoppiya Angaluk Geytimtam.

Afah Caagiidah Malaakaay, COP32ih Perezxanti Geexiyon Timootiyos (PhD) Ta Koboxuk Gambit Yekkeh Yan Koboxut Yenegelem.

Ta Koboxul Geexiyon Timootiyos (PhD) Abeh Yan Yaabal Rosqa Milaagih Taqabit Biyaakitteh Tan Baaxooxah Qokol Faxxiimam Qaddoysem.

Baad Caddoh Ayyunti Awayih Uddur Gibdih Tan Maaqatta Faxxah Tan Aqayyaret Geytimah Yanim Yescessem.

Rosqâ Milaagi Udduruuk Udduurul Lafitak Yemeeteh Yanim Ascassuuk, Dariifa Siyaasah Taqabitte Baad Caddoh Qokol Aqayyaaret Culuseh Geytimah Yaniimit Yaabem.

Baad Caddoh Qidaddo Fantaxawitte Agat Amnih Fayxi Caddok Wagitaanam Faxximtam Kassiisem.

Baxooxa Teknoloojiiy, Inbestiemnti Kee Tellemmol Abaanah Yan Anaakaral Baad Caddoh Rosqâ Milaagih Kalalitteh Macal Boolaatak Geytimam Baxxaqsem.

Itiyoppiya Baad Caddoh Rosqâ Milaagih Qokolul Boolatte Mabla Qagitaak Kah Diggowtanah Hangi Kah Cayuk Taamitak Geytimtam Yescessem.