Konnabi Daqaaral Awroppah Inkiinoh Eglah Qokolut Ferey Tekke Cogaysoosay 21 Milyoonuk Yakke Maalut Bicseeni Dooqaysen.

Addis Ababa Kaxxa Garabluk 29/2019(ENA) Kilbatti Rasuk Konnabi Daqaaral Awroppah Inkiinoh Eglak Geytimte Maali Qokolut Akkuk Sugte Ferey Tekke Qawalaylalah Ossoodih Raamoysoh Cugaysoosak Dooqayso Taddeera Gexsen.

 

Ta Dooqaysot Konnabi Daqaarak Naharsi Saqal Gifta Macammad Yacya Qawalaylalah Osidih Makkaabiyyoh komishiinik Miraaciini Makaadoy Daqar Miraacinu kee Ayyunti Elle Geytime.

 

Dooqayso Akak Tekkem Sidiica Weeqi Kalali Taama Gaabiyon Kee Inki Lee Raaqisso Aracal Kinnim Kee Ta Cugaysoosa Afara Awdal Xissiimak Suge Dooqaysak Daqar Xintol Tabsaanamih Taddeera Gexsen.

 

Konnabi Daqaarak Naharsi Saqal Gifta Macammad Yacya Konnabi Daqar Cugggaanek Yamaateh Yan Weeqi Adda kak Gacah Yan Daqar Kinnim Ascassuuk Weeqi Kalalih Taamoomi Assakat Le Gurral Tekkeh Tanim Qaddoyse.

 

Daqar Caddol Afara Cugaysoosa Awroppah Inkiinoh Egla Qokolut Dooqayseenih Yaniin Assacasuuk Awroppah Inkiinoh Egla Qawalaylalah Ossoodih Makkaabiyyoh komishin Daqar Caddol Weeqi Taqbi Kataasaamak Naharal Aben Taamah Gadda Gacsah Yanim Yescesse.

 

Qawalaylalah Osidih Makkaabiyyoh komishiinik Qawalaylalah bohoyih Ramosiyya Kee ogeysim Xayrekter Gifta Cuseen Ta Cugayso Cattiimak Tekke Taama Kinnim Qaddoyse.

 

Awroppah Inkiinoh Egla Cugayso Saqalah Yan Gifta Nuur Macammad Ta Ferey Takkeh Tan Cugaysoosa Weeqi Kalalih Taama Lee Raaqisso Taama Kinnim Qaddoyse.

 

Luk Sugen Weeqi Qawwalaylah Bohoyuk Ramqqa Geenimih Ruffa Iyyaanam Tescesseh tan Konnabi Daqaarih Ummatta Ah Keenih Bicisseh tan Doolat Kee Cugaysoh Gadda Gaciseenih Yaniinim Qafarak Mangaafa Retteemah Oyti Yascassem