Afrikak Siyaasâ Missoynaani Uguugus Miraacissuh Leedâ Missoynà Doorimte. - ENA Qafar Afa
Afrikak Siyaasâ Missoynaani Uguugus Miraacissuh Leedâ Missoynà Doorimte.
Addis Ababa Kaxxa Garabaluk 28/2019 (ENA): Leedâ Missoyna Afrikah Siyaasâ Missoynaanih Uguugus (APPI) Miraacissuh Inki Xongolol Faaticisen.
Leedâ Missoynak Ummatta Kee Baad Caddoh Angaarawih Luddih Saqalah Yan Bekelu Hurissa (PhD) Tama Ugugusuk Leená Kutbe Abeena Akkuk Doorime.
Nammay heele Afrikah Siyaasa Missoynaanih Konferensi Sidiica Ayroh " Dadal Xiinisaanam Siyaasa Missoynaani Afrikah Madduruk Fooci Xisne" Inta Itrol Adwa Maysoh Kasittoh Handagala Gexsitak Sugteh Asaaku Amarruqele Axcuk Qambaalan.
Ta koboxul Leedâ Missoyna Afrikak Siyaasâ Missoynaanih uguugus (APPI) miraacisuh inki xongolol FaatacisakMissoyna Qarangubah Caddol Gabat Aglel Kee Mamaxxaga Diggosuh Kaxxa Doori lem Qaddoosen.
Tama Margaqa Baxaabaxasale Le Afrikah Baaxooxak Tewqeh Tan Miroctiy Kee Siyaasâ Missoynaanih Awlaytit Fanal Yekkeh Yan Walalak Ugtak Madqane.
Tama Walal Leedâ Missoynah Agat Xisney, Qidaddo Tabaatabasay,Qikkiboh Falsafat Leth Tan Abak Raagitte Elle Tabissem Qaddoose.
Afrikak Siyaasâ Missoynaani Koboxut Tengeleh Tan Maritte Leedâ Missoynah Abak Geytimta Taamoomi Agat kee Qarangubah Caddol Nabah Tan Abak Raagitte Takkem Dudda Abto Kinnim Diggoosen.
Afrikah Siyaasâ Missoynaanih Konferensih Tatrusan Margaqooqi Kee Afkanitte Abtol Akah Assannah Diggaluk Taamitaanam Faxximita Qaddoosen
Ta Ugugusuk Nabah Yan Istraateejik Madma Afrikah Siyaasah Misoynaani Dibuk Dooro Qalalyli Kee Uguugus Hinnay Qarangubah Caddol Yangalen Poliisiy Yayyaaqenimiy Meqe Xiinissoy, Rakiibo Daddos Kee Maduur Dadalah Sarrimaane ls Gurral Sittaluk Taamitoonuh Kaxxa Fayda lem Qaddoose
Ta kobox Leedâ Missoynah Qarangubah Caddol Leh Tan Ammas Fayyale Haytah Qusba Mafdaga Ginnitah Itiyoppiyak Daddos Gexso Mammaxaga Elle Geytah Maqarle Siyaasay Xisoosah Xisne, Sittaliinoy Maqarroosak Afrikak Siyaasah Addat Leh Tan Gabah Assagalla Qagitaak Elle Diggoosnuh Kaxxa Doori lem Qaddoosen.
