Kemajangih Rasul Mexxatle Buun Fanti Qadaagah Xayyoysoonuh Taamitak Geytiman.

 

Addis Ababa Kaxxa Garabluk 27/2019 (ENA) Gambellah Rakaakayak Kemajangih Rasul Miizaaniyyat Liggidak 42alfih Toonuuk Daga Mexxatle Buun Fanti Qadaagah Xayyoysoonuh Taamitak Geytimaanam Rasuk Buqre Kee Gino Gaddih Daddoosih Biro Tiysixxigem.

Gaaboysak Geytiman Buunuk 48alfiiy 896toonih Murti Geytimele Axcuk Qambaalan Yescessen.

 

Ta Miizaaniyyat Liggidal Qambaalima Murtik 42alfih Toon Mexxat Kak Dacrisak Fanti Qadaagah Xayyoysoonuh Bica Abak Geytimaanam Qaddoysen.

Miizaaniyyat Liggidal Mexxat Caddo Kak Dacayrile Buun Murti Qadaagal Xayyoysaanam Xiqsissa Taamoomi Akkuk Geytimtam Ascassuuk, Rasuuk Awda Fan Mexxat Lowsisi Kee Kattat Makaado Kah Xisak Taamitak Geytimaanam Yescessen.