Afrikak Sarrimaane le Dadalah, Afrikak Siyaasay Missoynaanih Kobox Addis Ababak Qaxwa Maysoh Kasittoh Muziyeemil Gexisak Geytiman.

 

Addis Ababa Itiyoppiyah Inayta Dubuk Hinnay Afrikah Inaytaay, Qarangubah Gubak Mabbalow Guubuy, Sittaliinoy, Xiplomaasih Tasgalle Mablooli Elle Arcisan Fanteena Kinni.

Qikkiboh Doolatak Magaalol Daddoosih Farakka Addis Ababal Xayi Udduurih Addat Abbinoosen Daddos Taamoomil Magaalak welu Milaagak Baad Caddoh Wadbissoh Dudda Fayyahak Geytimta

Rakiiboy Daddos Baarisak, Qasriyyo leh Yan Koriixeriy, Daqar Qaxih Daddosuy Algin Raatih Taamoomiy, Gititte kee Merrayti Ayfaafay, Sabahalal Kee Turiizim Wadbenaaniy,Magaalak Qaxamaqaaney Mannoowiyyah Bica Leh Qasriino Le Gurral Xisak Baada Caddoh Caalatitte Doorimta Fanteena Akkuk Geytimta.

Asaaku Addis Ababal Afrikah Mirraacinuy Baada Caddoh Xisoosay, Business Eglaaliy, Gaddaloolay, Wacaysir Marritteh Fanteena Takkeemik Taturak Qarangubak Yanaglen Qaagoy Yangalen Fooci Saamitteh Elle Walalan Gudgudu Kinni.

Ta Konferesinil Turiizim Wadbisso Dadlisaanamay, Magaalak Qidaddoh Angagoyyah Uguugus Takkeh Taamâ Saamitteh Ginniyyay Baad Caddoh Qalalylih Diggoosnuh Kaxxa Doori Allalem.

Qaxwa Afrikah Inkittinaaney Curriinoy Fooci Qaagoh Asta Kinni.

Afrikak Siyaasay Missoynaani Addis Ababal Aydaadul Tata Marih Mayso Kee Curriinoh Asta Tan Adwa Maysoh Kasittoh Muziyeemil Gexisaanam Aydaadi Fantaaxaw kee Qarangubah Siyaasah Caddol Kaxxa Fayda lem kinnin.

Asaaku Ta Aydaadi Aracal Afrikak Siyaasay Missoynaaniy Tature Mayso Kasitak Qarangubah Caddol Booddah Tan Gexkalittek Sittaluk Elle Yawqoonuh Elle Mabbaloowan Fanteena.

Addis Ababa Qaxamaqaaney, Dadalah Afrikah Magaaloluh Ceelallo Takkem Dubuk Hinnay Afrikah Inkittinaaney, Sittaliinoy Yasgalle Dadalih Fanteena Akkuk Geytimta.

Addis Ababa Qarangubak Mabbalow Guubuy, Sittaliinoy, Xiplomaasih Tasgalle Mablooli Elle Arcisan Afrikah Inaytà Kinni.