Qaskariyyoh Aydakaakan Xagaray,Mesenkaca Abinah Bical Haanamal Qusba Dudda Gintam Kinni. - ENA Qafar Afa
Qaskariyyoh Aydakaakan Xagaray,Mesenkaca Abinah Bical Haanamal Qusba Dudda Gintam Kinni.
Addis Ababa,Kaxxa Garabluk 26,2019 (ENA)Qaskariyyoh Saynisik Aydakaakan Xagaray,Mesenkaca Abinah Bical Haanamal Qusba Dudda Gintam Kinnim Iroh Caagidah Gediyon Timtootiyos(PhD) Qaddosse.
Doolatak Fayyo Le Caddoh Mirocti Qaskariyyoh Aydakakanih Fanteena Horsol Beyak Sugte Aydakakan Yumurruqe.
Dr Gediyon Tama Aracal Iyyemihi Aydakakan Qaskariyyoh Abto Maca Kinnim Abinal Cedak Kalali Qandek Taama Gexso Kee Aydakakan Siirat Maca Kinnim Abinah Tayballem Kinnim Baxxaqse.
Tahak Ugut Abak Itiyoppiya Amantina Leh Tan Kalali Qandeh Egla Kee Xisne Xissuh Qaskariyyoh Saynis Cedak Faxximtam Yescesse.
Tahak Ugut Abak Qaskar Saynis Aydakaakan Sivil Miraciini Qaskar Mablaay, Kalali Qandeh Siiratittey, Agat Amni Kee Istiraateejih Margaqah Caagiidal Edde Yafhimeenim Baarisaanam Faxximtam Kassiise.
Ta Aydakaakanak Geen Abak Raag Qaskariyyoh Saynis Abinal Leh Yan Tuxxiq Yafhimeenim Dibuk Hinnay, Miraaciini Taamal Yayse Cedu Kee Gulguluh Akah Geyan Innah Ken Cato Tekkem Qaddoosen.
Mirocti Iyeh Ta Aydakaakan Agatak Saay Kee Agat Fayxih Caagiidal Taqabiteh Tan Raceenaani Inkih Edde Yafhimeenim Xiiqimtem Kalali Qandeh Olayin Mediah Fana Xijitaal Rubte Oyti Elle Yascasenal.
Qaskariyyoh Saynis Aydakaakan Fayya Le Mirocti Akah Yaceen Innah Angaaraw Boola Akah Yaynukusen Innah, Sitta Lih Geytimaanam Kee Margaqa Taceh Tan Dudda Akah Yaysiisen Innah Kaxxa Tuxxiq Lem Yiysixxigen; kee baaxoh addah amnih taqabitte fooca fanah gexxa wak baaxoh addah fayxitte dacrisoonuh ittat axawah tan gacsa yaceenim.
