Mangaafa Rettemaamih Fantenaani Kee Mihratleela Agat Tuxxiiqih Aakam Acayuk Taamitaanam Faxximta.

 

Addis Ababa Kaxxa Garabluk 26/2019 (ENA) Mangaafa Rettemaamih Fantenaani Kee Mihratleela Abaanah Yanin Taamal Agat Tuxxiiqih Aakam Acayuk Taamitaanam Faxximtam Agatak Amni Kee Oyto Nagayniinah Xayrekterih Jeneralaay, , Itiyoppiyak Mangaafa Retteemah Abboonatank Borxi Gaaboyse Ambaasadder Redhwan Cuseen Qaddoysem.

Itiyoppiyak Mangaafa Retteemah Abbootan Xiseh Yan Itiyoppiyak Retteema Duddih Gablussoh Fanteenah Dooqaysoh Taddeera Gexsitak Geytimtam.

Ta Dooqaysoh Aracal Agatak Oyta Kee Amni Nagayniinah Ayfaafayih Xayrekterih Jeneralaay, Itiyoppiyak Mangaafa Retteemah Abboonatank Borxi Gaaboyse Ambaasadder Redhwan Cuseeniiy, Ummattah Awlaytiitih Malah Buxah Adoytitiiy, Mngaafa Retteemaamih Miraaciinu Kee Seeco Kah Aben Qibni Elle Geytimem.

Ta Fanteena Xaaguqawa Kee Mangaafah Exxah Dudda Gablusaanam Hadafah Leh Tanim Kee Xaaguqawa Kee Mangaafah Retteemah Miraaciinih Duddaay, Cerfat Kee Meqem Kaban Caddo Yaysisseenim Kah Xissimteh Tan Hadafak Lafale Ximmooma Kinnim.

Ta Exxa Kusaq Kee Aydakaakanat Qokolaanamaay, Retteema Teknolooji Dadlissah Tan Aydakaakanitte Gudduysaanam Fanteenak Gersi Hadaf Kinnim.

Ayyunti Dirab Oytitte Kee Koonaqabi Oytitte Baxisam Elle Xiqah Yan Hangisso Ginaanam Ta Fanteena Abtu Waytah Tan Taamaamoi Kinnim.

Agatak Amni Kee Oyto Nagayniinah Xayrekterih Jeneralaay, , Itiyoppiyak Mangaafa Retteemah Abboonatank Borxi Gaaboyse Ambaasadder Redhwan Cuseen Ta Aracal Elle Qaddoysennal Yaabaanamih Gar Essermiyyalluk Gexxam Kinnih Tanim Yescessem.

Mangaafa Rettemaamih Fantenaani Kee Mihratleela Abaanah Yanin Taamal Agat Tuxxiiqih Aakam Acayuk Taamitaanam Faxximta Kassiisem.