Nammay Heele Afrikak Siyaasâ Missoynaanih Kobox Asaaku Addis Ababal Gexisitele.

 

Tama Kobox Siyaasâ Missoynaani Afrikak Foocih Qaagoh Dadal Miraacisiyyeh Mahandiswa Inta Itrol Asaakuk Xabbahaanam Afrikah Inayta Addis Ababa Qaxwa Maysoh Kasittoh Muziyeemil Gexisitelem Qaddoose.

Ta Kobox Itiyoppiya Baaxooxa Xiinissah, Anaakarta Missoynaanilluk Fantaaxaw Gintuhuy, Baaxol Akkuk Geytima Daddos Taamoomi Saanih Baxxaqissuh Kaxxa Saami Ginele.

Dariifa Kee Qaranguba Caagidal Sittaliino Hadaf Haysitak Irô Xukko Xiiqak, Qaranguba Dariifâ Siyaasah Curriino Daabimtuh Siyaasâ Missoynaani Sittalih Soltuh Ta Gudgud Gita Fakele.

Ayrô Mawqah Afrika Kee Dariifaay, Itiyoppiya Duddale Salaam Gabat Agle Kee Daddos Qokoluh Garuqluk Taamitak Geytimtam Yaybulle Gugdgud Kinni.

 

Siyaasâ Walal Qarangub Currik Tan Tellemmoh Driifalluk Beyak, Itiyoppiya Dariifal Qidaddo Fanteena Takkuh Yakke Macal Aysissikele.

Afrikak Siyaasâ Missoynaani Addis Ababal Walalaanam Itiyoppya Qaranguba Siyaasal Leh Tan Dooriiy, Mantaabba Kee Xiplomaaish Dudda Qaduuk Taybulle Maaqatta Kinnim Qaddosse