Itiyoppiya kee Faransay Aydaadule Fantaaxaw kee Qandê Qokol Maqarroysoonuh Sittingey Aben.

 

Addis Ababa Kaxxa Garabluk 25/2019 (ENA) Itiyoppiya kee Faransay Aydaadule Fantaaxaw kee Qandê Qokol Fayyalennal Maqarroysoonuh Sittingey Aben.

 

Naba Baaxooy Naba Ayyuntaay Xer Mabla 

 

Kalali Qandeh Malaak Gifta Macammad Idriis Afâ Baaxooxah Ambaasadderwallih Abah Yan Sittallakleh Qandê Xiplomaasih Walalak Ugutak Faransaayak, Itiyoppiyal Yan Ambaasadder Aleksis Lamek Isi Kutbeh Buxal Oggolak Walalisem. 

 

Ta Aracal Namma Baaxo Daboonah Loonuh Yanin Aydaadule Fantaaxaw Dadlisoonu kee Qande kee Makcagguruk Tan Exxaaxil Qokol Maqarroysoonuh Sittingey Aben.

 

Ta Walalal Gifta Macammad Idriis Faransay, Itiyoppiya Away Makcagguruk Tan Qandê Dudda Dadlissuh Abak Geytimta Ixxiga Tabaatabsa kee Salaam Dacayrih Dudda Maqarrossuh Abak Geytimta Qokoluh Gadda Gacsem. 

 

Itiyoppiya Dariifal Qidiino kee Ganuunuk Yan Tuxxiq Dacrissuh Abtah Tan Macalah Faransay Xaqut Teetih Gactuh Esserem. 

 

Tigray Rakaakayal Akkuk Geytima Silac Oobisiyya kee Aygadad Gexsit Wagittaamal Abeh Yan Baxxaqsal Faransay Ta Gexsit Xalu Baahuh Faxxiima Qokol Abtuh Seeco Xayyoysem. 

 

Faransayak Itiyoppiyah Ambaasadder Aleksis Lamek Faransah Doolat Itiyoppiyalluk Leh Tan Aydaadule Fantaaxaw Maqarrossuh Kaxxa Fayxi Leh Tanim Yescessem.

 

Baxsaluk Dariifâ Salaam kee Sabhalal Diggoowuh Yakkeh Yan Macalah Faxxikma Qokol Abelem Qaddoysem.

 

✍️ NabaBaaxooy, NabaAyyuntaay, XerMabla 

#Qikkibow_Doolat