Itiyoppiya Nammay Heeley Afrikak Siyaasâ Missoynaanih Kobox Arcibissuh Taakume Bicittek Gaba Kaleenih Geytiman

 

Addis Ababa Kaxxa Garabaluk 25/2019(ENA)Itiyoppiya Nammay Heeley Afrikak Siyaasâ Missoynaanih Kobox Arcibissuh Taakume Bicittek Gaba Kaleenih Geytimaanam Leedâ Missoynak Leena Kutbeh Buxak Iroh Caagidah Angaarawih Xayrekterih Yan Nabiyu Sihul Qaddoose

Tama Kobox Siyaasâ Missoynaani Afrikak Foocih Qaagoh Dadal Miraacisiyyeh Mahandiswa Inta Itrol Kaxxa Garabluk 26-28 2019 E.L.L Afrikah Inayta Addis Ababal Gexisitelem Qaddoose

Leedâ Missoynak Leena Kutbeh Buxak Iroh Caagidah Angaarawih Xayrekterih Yan Nabiyu Sihul Tama Koboxul Wagsiisak Abeh Yan Yaabal Iyyeemih leeda Missoyna Afrikah Fanteena Abah Yan Gexsit Diggoosak Geytimaanam Qaddoose.

Ta Kobox Itiyoppiya Baaxooxa Xiinissah, Anaakarta Missoynaanilluk Fantaaxaw Gintuhuy, Baaxol Akkuk Geytima Daddos Taamoomi Saanih Baxxaqissuh Kaxxa Saami Ginele.

Dariifa Kee Qaranguba Caagidal Sittaliino Hadaf Haysitak Irô Xukko Xiiqak, Qaranguba Dariifâ Siyaasah Curriino Daabimtuh Siyaasâ Missoynaani Sittalih Soltuh Ta Gudgud Gita Fakele.

Ayrô Mawqah Afrika Kee Dariifaay, Itiyoppiya Duddale Salaam Gabat Agle Kee Daddos Qokoluh Garuqluk Taamitak Geytimtam Yaybulle Gugdgud Kinni.

Siyaasâ Walal Qarangub Currik Tan Tellemmoh Driifalluk Beyak, Itiyoppiya Dariifal Qidaddo Fanteena Takkuh Yakke Macal Aysissikele.

Afrikak Siyaasâ Missoynaani Addis Ababal Walalaanam Itiyoppya Qaranguba Siyaasal Leh Tan Dooriiy, Mantaabba Kee Xiplomaaish Dudda Qaduuk Taybulle Maaqatta Kinnim Qaddosse